Ekster

in Wikipedia, die vrye ensiklopedie
Jump to navigation Jump to search

Ekster
Magpie arp.jpg
’n Europese ekster.
Wetenskaplike klassifikasie
Koninkryk:
Filum:
Klas:
Orde:
Familie:
Genusse
  • Pica
  • Urocissa
  • Cissa
  • Cyanopica
’n Ekster van Swede, 2016.

Eksters is voëls van die kraaifamilie, Corvidae. Dit sluit die swart-en-wit Europese ekster in wat algemeen beskou word as een van die slimste diere in die wêreld[1][2][3] en een van die enigstes buiten soogdiere wat hulself in ’n spieël kan herken.[4] Benewens lede van die genus Pica, word kraaiagtiges in die genus Cissa ook as eksters beskou.

Die genus Pica word gewoonlik in gematigde temperatuurstreke van Europa, Asië en westelike Noord-Amerika aangetref, met nog bevolkings in Tibet en hoë dele van Indië en Pakistan. Eksters van die genus Cyanopica kom in Oos-Asië en die Iberiese Skiereiland voor.

Spesies[wysig | wysig bron]

Volgens sommige studies vorm eksters nie die monofiletiese groep wat meestal gedink word nie – ’n lang stert het onafhanklik in verskeie lyne van die kraaifamilie langer (of korter) geword.[5] Onder die tradisionele eksters is daar twee aparte lyne. Een bevat die swart-en-wit holarktiese spesies (uit die noordelike deel van die arktiese streke) wat moontlik na verwant is aan kraaie en Europsese gaaie. Die ander lyn bevat verskeie spesies van Suid- tot Oos-Asië met helder kleure, hoofsaaklik groen en blou.

Die asuurvlerk-eksters en Iberiese ekster, wat voorheen as een spesie beskou is, word nou as twee verskillende spesies gelys en geklassifiseer as die genus Cyanopica.[6]

Holarktiese eksters

  • Genus Pica
    • Pica pica (Europese ekster)
    • Pica hudsonia (Amerikaanse ekster)
    • Pica nuttalli
    • Pica asirensis
    • Pica mauritanica
    • Pica sericea

Oriëntale eksters

  • Genus Urocissa
    • Urocissa caerulea
    • Urocissa erythrorhyncha
    • Urocissa flavirostris
    • Urocissa whiteheadi
    • Urocissa ornata
  • Genus Cissa
    • Cissa chinensis
    • Cissa hypoleuca
    • Cissa thalassina
    • Cissa jefferyi

Asuurvlerk-eksters

  • Genus Cyanopica
    • Cyanopica cyanus
    • Cyanopica cooki

Galery[wysig | wysig bron]

Verwysings[wysig | wysig bron]

Eksterne skakels[wysig | wysig bron]