Elifasi Msomi

in Wikipedia, die vrye ensiklopedie
Jump to navigation Jump to search
Elifasi Msomi
Oorlede  10 Februarie 1956
Rede vir dood  Gehang
Land  Suid-Afrika
Bynaam  Bylmoordenaar
Tokkelossiemoordenaar
Misdaad  Reeks moorde
Misdaadbesonderhede
Plek KwaZulu-Natal
Datum(s)  1953-1955
Slagoffers  15
Metode  Met byl doodgekap
Vonnisbesonderhede
Vonnis  Doodstraf

Elifasi Msomi, ook bekend as die Bylmoordenaar en Tokkelossiemoordenaar, is ’n Suid-Afrikaanse reeksmoordenaar wat in 1955 skuldig bevind is aan 15 moorde. Hy het die doodstraf gekry. Sy slagoffers was almal van Umkomaas en Umzimkulu in KwaZulu-Natal.

Msomi was ’n Zoeloeman en ’n onsuksesvolle jong sangoma. Hy het professionele hulp gesoek en ’n ander sangoma geraadpleeg. Msomi het beweer ’n tokkelossie het hom in dié tyd binnegegaan. Hy het in Augustus 1953 op ’n 18 maande lange moordtog in die suide van KwaZulu-Natal gegaan onder bevel van die tokkelossie.[1]

Moorde en vonnis[wysig | wysig bron]

Msomi het aanvanklik ’n jong vrou in die teenwoordigheid van sy minnares verkrag en vermoor en haar bloed in ’n bottel gehou. Onbeïndruk deur sy nuwe kragte, het sy die polisie verwittig en Msomi is in hegtenis geneem. Hy het kort daarna ontsnap en die tokkelossie die eer daarvoor gegee.[1] Hy het daarna vyf kinders vermoor voordat hy weer in hegtenis geneem is. Hy het weer ontsnap en is ’n maand later in hegtenis geneem vir diefstal. Van die gesteelde goed wat by hom gevind is, het aan sy slagoffers behoort en hy is van moord aangekla.

Msomi het die polisie gehelp om van sy slagoffers se oorskot te vind, onder meer ’n vermiste skedel.[1] Tydens sy verhoor het Msomi beweer hy was bloot ’n werktuig van die tokkelossie. Twee sielkundiges het gemeen Msomi het ’n hoër as gemiddelde intelligensie gehad en dat hy seksuele plesier geput het uit die toepassing van pyn.[2] Hy is ter dood veroordeel en op 10 Februarie 1956 gehang.

Sien ook[wysig | wysig bron]

Verwysings[wysig | wysig bron]