Elma McKenzie

in Wikipedia, die vrye ensiklopedie
Jump to navigation Jump to search
Elma McKenzie
Elma McKenzie.jpg
Gebore25 Junie 1955 (1955-06-25) (65 jaar oud)
BeroepSkoonheidsterapeut en stigter van Placécol
Webwerfhttp://www.elmamckenzie.co.za/

Elma McKenzie, gebore 25 Junie 1955, in Pretoria, Gauteng is ʼn Suid-Afrikaanse skoonheidsterapeut, sakevrou en stigter van die Suid-Afrikaansvervaardigde skoonheidsproduk, Placécol.

McKenzie het radiografie studeer aan die Universiteit van Pretoria en gespesialiseer in kankerbestraling. Daarna kwalifiseer sy as skoonheidsterapeut en vestig haarself in Ermelo waar sy die eerste skoonheidskliniek in die Hoëveld omgewing, in Januarie 1977 begin het. Sy het gereeld kliniekbehandelings op al die omliggende dorpe aangebied. Dit het gehelp om ‘n sterk kliëntebasis op te bou. Elma McKenzie Spa, Beauty & Laser Clinic was vir 41 jaar op Ermelo. Haar kliniek het SAAHSP en CIDESCO Internasionale akkreditasie.

In 2010 is hierdie besigheid deur Professional Beauty aangewys as die beste skoonheidskliniek in Suid-Afrika. Verskeie kere was Elma McKenzie Spa, Beauty & Laser Clinic ‘n finalis onder die top 3 klinieke in die land. McKenzie woon steeds kursusse by om meer van haar beroep te leer. In 1980 het Elma, die vandag alombekende Placècol Kosmetikareeks in Suid-Afrika begin. Haar aptekersman, Leslie McKenzie, het die vervaardiging van die produkte behartig. Hulle firma was Macnel Pharmaceuticals.

Elma vertel hoe dat sy by verskeie universiteite gaan navorsing doen het en lank daar in biblioteke spandeer het. Daar was geen internet, of enige moderne tegnologie nie. Sy was aanvanklik die uitvoerende hoof van die firma, die boekhouer, die verkoopsagent en die koerier. Placècol was die eerste volle kosmetika reeks wat slegs in apteke en skoonheidsklinieke beskikbaar was. Hul kompetisie was duur, welbekende kosmetika reekse van oorsee. Bemarking van ‘n nuwe Suid-Afrikaanse produk was baie moeilik. Op soek na ‘n “besondere plantaardige olie” vir Placècol, het hulle die manketti neut ontdek.

Mankettibome groei net in die destydse Caprivi gebied. Elma het aan koerante in Suidwes-Afrika (Namibië) geskryf. Sy het daarin geslaag om met Rundu se staatshospitaal vir melaatsheid ‘n ooreenkoms te sluit: ‘Manketti neute vir geld”. Daarna het treinvragte vol mankettineute gereeld op Ermelo se stasie aangekom. Die klipharde neute is meganies deurgesaag, die kerne met die hand uitgehaal en daarna het hulle manketti-olie uit die neute vervaardig. Dit was ‘n deurbraak vir Placècol. Verskeie tydskrifte het byvoorbeeld artikels soos “Skoonheid uit ‘n neutedop” gepubliseer.

Placècol het ook patentreg op die gebruik van manketti-olie gehad (Patent 83/8842). Tydens ‘n CIDESCO-wêreldkongres het Elma die eerste Soft Laser machines daar gesien. Sy het ‘n lasermasjien gekoop en haar eie laserbehandeling met Placècol saamgestel. Daarna het sy laserbehandelings in verskillende apteke aangebied. Daarom was ‘n laserbehandeling uiters gesog. Dames wou graag ‘n laserbehandeling by die apteke kry - en dit het terselfdertyd Placècol se verkope laat styg. Elma het haar Elma Mckenzie Laser Treatment gepatenteer.

Sy het daarna skoonheidsterapeute opgelei om hierdie laserbehandeling in apteke te kan doen. Sy het hulle terselfdertyd ook geleer hoe om Placècol professioneel te bemark aan kliënte. Sy het laseragentskapkonsessies aan die terapeute verkoop en hulle sodoende bemagtig om hul eie besighede te kon hê. Later jare het dit verander in die welbekende Placècol klinieke van vandag. Die laserbehandelings het ’n reuse styging in die verkope van Placècol tot gevolg gehad. In 1998 het Elma Placècol verkoop. Daar was op daardie stadium 800 apteke en skoonheidsklinieke in Suid-Afrika wat Placècol kosmetika aangehou het.

Vroeë loopbaan[wysig | wysig bron]

In Januarie 1977 het McKenzie haar eerste skoonheidskliniek in die hoëveld op Ermelo geopen. Die finansiering wat sy van die bank ontvang het, was R 5000, haar doel was om so spoedig moontlik die lening af te betaal. ʼn Gesigbehandeling was R10.50, ʼn manikuur R8.00 en ʼn pedikuur was R3.50. Haar klein salon was op dieselfde erf as hul huis en was vanuit ʼn tweekamervertrek bedryf. In 1987 kon die woonhuis uitgebrei word om ʼn groter kapasiteit te skep vir die salon. Meer personeel is aangestel en die salon het SAAHSP en CIDESCO akkreditasie ontvang, wat op daardie stadium slegs een van agt CIDESCO geakkrediteerde salonne in Suid-Afrika was. Om CIDESCO akkreditasie te kon ontvang, was daar verwag van die firma om uitstaande diens te lewer en net die nuutste en beste tegnologie te gebruik, CIDESCO Internasionaal het ook gereeld inspeksies kom doen om te verseker dat hul standaarde gehandhaaf word.

Patentering[wysig | wysig bron]

Tydens n CIDESCO Internasionale Kongres het Elma die eerste Soft Lasermasjiene van Duitsland af raakgesien, een gekoop Sy het haar eie behandeling uitgewerk en dit gepatenteer, sodoende was haar laserbehandeling beveilig as metode om dit te bemarking te gebruik. Nadese het McKenzie apteke begin kontak en gevra of sy laserbehandelings daar kon aanbied en dit het vrugte afgewerp. Gevolglik kon sy ʼn inkomste verdien van laserbehandelings en Placécol se stygende verkope. As gevolg van groeiende sukses en aanvraag moes sy nog skoonheidsterapeute in laserbehandeling oplei om hulle toe te rus om by verskillende apteke landswyd laserbehandelings te gaan toedien. Hierdie laserklinieke het sy sedert 1996 op ʼn konsessiebasis aangestel, wat ook later gelei het tot Placécol-klinieke regoor Suid-Afrika gelei het.

Verslanking[wysig | wysig bron]

In 2016 het McKenzie ʼn mediese en estetiese kursus in Madrid bygewoon en het tot die besef gekom dat die Nova Shape-masjien ʼn alternatiewe gebruik is vir liposuiging. Vyf Nova Shape-masjiene is toe ingevoer na Suid-Afrika, een na Ermelo en vier is versprei na mediese verslankingspraktyke. Nova Shape is ʼn behandeling waar ultraklank en radiofrekwensie gebruik word om vetsel kawitasie af te bring. Tydens behandeling kan die ultraklank gehoor word, op die rekenaarskerm kan gesien word hoe diep die masjien in die vetweefsel werk en na ʼn uur se behandeling kan ʼn merkbare verskil waargeneem word op die gedeelte waar die behandeling toegepas was. Na so ʼn behandeling voel die vel sagter omdat die vetselle in die behandelde dele afgebreek word.

Spa[wysig | wysig bron]

In 2006 is die spa aangebou wat ʼn verskeidenheid behandelings gebied het, onder andere: masseringskamers, twee hidro-terapie spa baddens, ʼn sauna en stoombaddens.

Grimering[wysig | wysig bron]

As deel van ʼn fondsinsamelingsprojek vir liefdadigheid, het die stigter van Proffesional Makeup, Joy Terri, werkswinkels ontwerp om grimeringtegnieke aan vroue bekend te stel. Die grimeringswerkswinkels is in samewerking met Elma McKenzie Skoonheidskliniek aangebied.

Placécol[wysig | wysig bron]

Die idee om kosmetiese middels te vervaardig het in die vroeë 1980’s by McKenzie ontstaan. In ʼn era voor internet en vinnige posdiens, het Elma en haar man, Leslie begin om navorsing te doen omtrent grondstowwe vir die produkte. Tydens navorsing aan die Noordwes Universiteit van Potchefstroom, het hulle op die kwaliteite van die Manketti neut afgekom. Die olie van hierdie harde neute het waarde gedra en kon die sleutel grondstof wees van hul produk. Nadat menigte apteke nie die produk wou aankoop nie, omdat dit nog so onbekend was, moes sterker bemarking begin intree om die verkope aan te help. Met beperkte fondse, maar noodgedwonge, het Placécol begin om in vroue tydskrifte hul produk te adverteer. Placécol was die eerste Suid-Afrikaansvervaardigde kosmetika wat net in apteke en skoonheidsklinieke bemark was. Teen 1984 is Placécol ontwikkel tot ʼn volledige velsorgreeks, asook Placécol haarprodukte en teen 1997 was Placécol produkte in 800 apteke en skoonheidsklinieke landswyd beskikbaar.

Toekennings[wysig | wysig bron]

  • Professional Beauty-toekenning: Beste Skoonheidsalon in Suid-Afrika (2010)
  • Suid-Afrikaanse Raad vir Sakevroue: Sakevrou van die Jaar
  • Ermelo Business Award: Verering vir uitnemende diens
  • Kansa: Vonkelvrou van die Jaar (2004)

Eksterne skakel[wysig | wysig bron]

Bronnelys[wysig | wysig bron]