Emeishan-trappe

in Wikipedia, die vrye ensiklopedie

Die Emeishan-trappe is ’n groot basaltlawa-gebied in Suidwes-China, veral die provinsie Sichuan. Nes ander soortgelyke "trappe" van dié aard is Emeishan veelvuldige lae stollingsgesteente wat deur groot vulkaniese uitbarstings gevorm is.

Die uitbarstings wat die Emeishan-trappe gevorm het, het sowat 260 miljoen jaar gelede begin. Wat volume aanbetref, word die trappe verdwerg deur die enorme Siberiese Trappe, wat nie lank daarna nie, sowat 251 miljoen jaar gelede, gevorm is. Tog was die Emeishan-uitbarstings groot genoeg om ’n ernstige, wêreldwye uitwerking op die omgewing te hê. Dit word verbind met die sogenaamde einde-Guadalupium- of einde-Capitanium-uitwissing, toe baie plante en diere uitgesterf het tydens die Perm-periode.

Die Emeishan-trappe maak dus deel uit van ’n groter wetenskaplike debat oor die oorsake van massauitwissings.[1] Die tydsooreenkoms tussen die vorming van die Emeishan-trappe en die einde-Guadalupium-uitwissing word deur baie aanvaar as ’n bewys dat vulkaanuitbarstings die hoofrede vir uitwissings is. Die teenstellende standpunt is dat uitwissings veroorsaak word deur die impak van groot asteroïdes en komete. Daarvolgens is die Emeishan- en soortgelyke trappe self die gevolg van sulke impakvoorvalle.[2]

Sien ook[wysig | wysig bron]

Verwysings[wysig | wysig bron]

  1. Yukio Isozaki, "Plume Winter Scenario for Biosphere Catastrophe: The Permo-Trassic Boundary Case," in: Yuen et al., pp. 409-440.
  2. Adrian P. Jones, David G. Price, Paul S. DeCarli, and Richard Clegg, "Impact Decompression Melting: A Possible Trigger for Impact Induced Volcanism and Mantle Hotspots?", in: Koeberl and Martinez-Ruiz, pp. 91-120; esp. pp. 110-11.

Bronne[wysig | wysig bron]

  • Dobretsov, N. L. (2005) "Large Igneous Provinces of Asia (250 Ma): Siberian and Emeishan traps (plateau basalts) and associated granitoids." Geologiya i geofizika, Vol. 46, pp. 870-890.
  • He, Bin, Yi-Gang Xu, Sun-Ling Chung, Xiao-Long Huang, and Ya-Mei Wang. (2003) "Sedimentary evidence for a rapid kilometer-scale crustal doming prior to the eruption of the Emeishan flood basalts." Earth and Planetray Science Letters, Vol. 213, pp. 391-405.
  • He, Bin, Yi-Gang Xu, Xiao-Long Huang, Zhen-Yu Luo, Yu-Ruo Shi, Qi-Jun Yang, and Song-Yue Yu. (2007) "Age and duration of the Emeishan flood volcanism, SW China: Geochemistry and SHRIMP zircon U-Pb dating of silicic ignimbrites, post-volcanic Xuanwei Formation and clay tuff at the Chaotian section." Earth and Planetary Science Letters Vol. 255, pp. 306-23.
  • Koeberl, Christian, and Francisca C. Martinez-Ruiz, eds. (2003) Impact Markers in the Stratigraphic Record. New York, Springer-Verlag.
  • Yuen, David A., Shinegoru Maruyama, Shun-Ichiro Karato, and Brian F. Windley, red. (2007) Superplumes: Beyond Plate Tectonics. New York, Springer-Verlag.

Eksterne skakels[wysig | wysig bron]