Emilio Mola

in Wikipedia, die vrye ensiklopedie
Jump to navigation Jump to search
Emilio Mola

Emilio Mola y Vidal, (Placetas (Villa Clara), 9 Junie 1887 - Alcocero de Mola (Burgos), 3 Junie 1937) was 'n Spaanse soldaat wie se deelname aan 'n staatsgreep in 1936, die Spaanse Burgeroorlog begin het. Hy het bekend geword vir die gebruik van die begrip 'vyfde kolom'.

Mola was die seun van 'n weermagoffisier in Kuba, destyds 'n Spaanse kolonie. Op die ouderdom van 20 het hy by die infanterie aangesluit. Hy het die militêre skool in Toledo bygewoon en in die koloniale oorlog van Spanje in Marokko geveg, waar hy die Medalla Militar Individual ontvang het.

Hy was 'n intelligente man wat uitgebreide resensies oor militêre aangeleenthede geskryf het. Hy was gewild en in 1927 is hy bevorder tot brigadier-generaal in die Spaanse leër. Mola is in 1930 aangestel as direkteur-generaal van nasionale veiligheid. Van toe af bots hy toenemend met sosialiste en kommuniste. Hy word daarna bevelvoerder in Marokko. Hy is in Februarie 1936 na Spanje teruggebring na die Spaanse verkiesingsoorwinning van die Volksfront (Frente Populart).

In Julie 1936 het konserwatiewe / monargistiese generaals waaronder Mola 'n staatsgreep geloods wat die Spaanse Burgeroorlog (1936-1939) begin het. Tydens die Spaanse Burgeroorlog was hy aan die hoof van die nasionalistiese Noordelike Leër. In 'n kort tyd verower hy die noordelike deel van Spanje in Julie 1936 nie, behalwe vir die kusstrook en die Baskiese gebied. Hy is in 1937, ses dae voor sy vyftigste verjaardag, in 'n vliegongeluk dood.

Bronne[wysig | wysig bron]

  • Graham, H. (2002). The Spanish Republic at War 1936-1939. Cambridge University Press.
  • Jackson, G. (1967) The Spanish Republic and the Civil War 1931-39, New Jersey.
  • Payne, S. 2012. The Spanish Civil War. Cambridge University Press.
  • Preston, P. (2012) The Spanish Holocaust. Harper Press. London.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Nederlandse Wikipedia vertaal.