Ernst Ludwig, Groothertog van Hesse

in Wikipedia, die vrye ensiklopedie
Ernst Ludwig

Titel Groothertog van Hesse en by die Ryn
Bewind 13 Maart 1892 – 9 November 1918
Voorganger Ludwig IV
Eggenotes Prinses Victoria Melita van Sakse-Koburg en Gotha
Prinses Eleonore van Solms-Hohensolms-Lich
Kinders Elisabeth, Georg Donatus, Louis
Huis Hesse-Darmstadt
Vader Ludwig IV, Groothertog van Hesse
Moeder Prinses Alice van die Verenigde Koninkryk
Gebore (1868-11-25)25 November 1868, Darmstadt
Oorlede 9 Oktober 1937 (op 68), Hesse

Ernst Ludwig Karl Albrecht Wilhelm (25 November 18689 Oktober 1937) was die laaste Groothertog van Hesse en by die Ryn, van 1892 tot 1918.[1] Sy bynaam was Ernie.

Vroeë lewe[wysig | wysig bron]

Ernst vroeg in 1879 saam met sy ouma koningin Victoria en susters, Victoria, Elizabeth, Irene en Alix, twee maande ná die dood van hul ma en jongste suster.
Ernst Ludwig en sy eerste vrou, prinses Victoria Melita van Sakse-Koburg en Gotha, op hulle troudag.

Ernst Ludwig was die oudste seun van Ludwig IV, Groothertog van Hesse en sy vrou, prinses Alice van die Verenigde Koninkryk. Sy was die dogter van koningin Victoria en prins Albert van Sakse-Koburg en Gotha. As een van sewe sibbes, waarvan twee vroeg oorlede is, het Ludwig saam met sy vier oorlewende susters in Darmstadt grootgeword. Een van sy susters, Alexandra, sou later met tsaar Nikolaas II van Rusland trou en ’n ander een, Victoria, was die ouma van prins Philip, Hertog van Edinburg.

Toe Ernst vyf was, het sy broer, Friedrich, gesterf. Die twee seuns het gespeel toe Friedrich, wat aan hemofilie gely het, ses meter ver uit ’n venster val. Toe Ernst 10 was, was daar ’n epidemie van witseerkeel in Darmstadt. Sy pa en al die kinders behalwe Elisabeth, wat by haar een ouma gekuier het, het siek geword. Prinses Alice het vir haar man en siek kinders gesorg, maar die jongste, prinses Marie, is dood. Om Ernst te troos het Alice hom gesoen. Sy het binne ’n week siek geword en is op 4 Desember 1878 oorlede.

Huwelike[wysig | wysig bron]

On 19 April 1894 is Ernst getroud met sy niggie, prinses Victoria Melita van Sakse-Koburg en Gotha, die dogter van sy ma se broer prins Alfred. Ernst en Victoria het twee kinders gehad: ’n dogter, prinses Elisabeth van Hesse en by die Ryn (1895-1903), wat op 16 November 1903 op agt aan buiktifis dood is, en ’n seun, wat op 25 Mei 1900 doodgebore is.

Die huwelik was ongelukkig en rusies was volop.[2] Ná koningin Victoria se dood is die egpaar geskei, op 21 Desember 1901. Ná die egskeiding het Victoria ’n paar familielede vertel Ernst is gay.[3][4] Sy het hom glo in die bed betrap met ’n manlike dienskneg. Die aantygings is nooit openbaar gemaak nie, maar sy het teenoor familie beweer hy "slaap openlik by al die diensknegte".[5][6] Daar is geen ander bronne om dit te bevestig nie.

Victoria is later met ’n ander neef, groothertog Kirill Wladimirowitsj van Rusland, getroud en Ernst op 2 Februarie 1905 met Eleonore van Solms-Hohensolms-Lich. Die huwelik was gelukkig en die egpaar het twee seuns gehad, Georg Donatus en Ludwig.

Latere lewe[wysig | wysig bron]

In 1892 het Ernst Ludwig sy pa opgevolg as groothertog. Tydens die Eerste Wêreldoorlog was hy ’n offisier in keiser Wilhelm se hoofkwartier. In 1917 is sy swaer, tsaar Nikolaas II, tydens die Russiese Rewolusie gedwing om te abdikeer. In Julie 1918 is twee van sy susters, Elizabeth, die weduwee van groothertog Sergei Aleksandrowitsj, en Alexandra, die vrou van Nikolaas II, deur die Bolsjewiste vermoor. Aan die einde van die oorlog, tydens die Duitse rewolusie van 1918, het hy sy troon verloor nadat hy geweier het om te abdikeer.[7]

Dood[wysig | wysig bron]

In Oktober 1937 is Ernst naby Darmstadt dood ná ’n lang siekte. Hy is langs sy dogter, Elisabeth, begrawe.[8]

Verwysings[wysig | wysig bron]

  1. "Ex-Ruler Of Hesse Dead In Germany; Grand Duke Ernst Ludwig Was Ousted in 1918 After Reign Praised for Its Wisdom". The New York Times. 10 Oktober 1937. p. 29. Besoek op 8 Desember 2008.
  2. Sullivan, p. 152
  3. Röhl,John C. G. R "Wilhelm II: Into the Abyss of War and Exile, 1900–1941", Cambridge University Press, p534
  4. Cockfield,Jamie H."White Crow: The Life and Times of the Grand Duke Nicholas Mikhailovich", p61
  5. Terence Elsberry, Marie of Romania, St. Martin's Press, 1972, p.62
  6. Sullivan, p. 182
  7. "Two More Rulers Give Up Throne; Republics Proclaimed in Wurttemburg and Hesse—Ducal Lands Seized". The New York Times. 14 November 1918. p. 1. Geargiveer vanaf die oorspronklike (PDF) op 6 November 2012. Besoek op 8 Desember 2008. Hesse genoem teen middel van artikel
  8. Groothertogdom van Hesse[dooie skakel]-webuiste (Besoek op 8 Desember 2008).

Eksterne skakels[wysig | wysig bron]