Etniese suiwering in Bhoetan

in Wikipedia, die vrye ensiklopedie
Jump to navigation Jump to search

Etniese suiwering in Bhoetan verwys na 'n reeks inisiatiewe om die Lhotshampa, of etniese Nepalese, uit Bhoetan te verwyder.

Sedert die laat 1980's het inter-etniese spanning in Bhoetan toegeneem, wat tot die vlug van baie Lhotshampa, of etniese Nepalese, van Bhoetan na Nepal gelei het. Baie van diegene is deur die Bhoetanese weermag verdryf. Teen 1996 het meer as 100 000 Bhoetanese vlugtelinge in vlugtelingkampe in Nepal gewoon. Baie is sedertdien hervestig in Westerse nasies.[1]

Lhotshampa[wysig | wysig bron]

Die Lhotshampa of Lhotsampa (Nepalees: ल्होत्साम्पा; Tibettaans: ལྷོ་མཚམས་པ་, Wylie: lho-mtshams-pa) bevolking is 'n heterogene Bhoetanese volk van Nepalese afkoms. Die Lhotshampa-mense is inheems aan die suide van Bhoetan, en word dus algemeen na verwys as Suidlanders. Vanaf 2007 is die meeste van die Lhotshampas, of Bhoetanese vlugtelinge, hervestig na derde lande, soos die Verenigde State, Kanada, Australië, die Verenigde Koninkryk en ander Europese lande. Vandag is die aantal Lhotshampa in Nepal aansienlik minder as in die Verenigde State en ander lande waar hulle hervestig is.[2] Die mense van Nepalese oorsprong het in die 19de eeu hul begin vestig in onbewoonde gebiede in die suide van Bhoetan.[3]

Uitsetting[wysig | wysig bron]

Sedert die laat 1980's is meer as 100 000 Lhotshampa uit Bhoetan gedwing. Hulle is deur die owerheid beskuldig daarvan dat hulle onwettige vreemdelinge in die land sou wees. Tussen 1988–1993 het duisende ander die land verlaat weens etniese en politieke onderdrukking.[4] In 1990 het gewelddadige etniese onrus en anti-regeringsprotes in die suide van Bhoetan uitgebreek en word groter demokrasie en respek vir minderheidsregte geëis.[4] Daardie jaar, het die Bhutan Peoples' Party, wie se lede meestal Lhotshampa is, 'n veldtog van geweld teen die Bhutanese regering begin.[4] In die nasleep van hierdie onrus het duisende mense uit Bhoetan gevlug. Meeste het hulself in Nepal se sewe vlugtelingkampe gevestig (op 20 Januarie 2010 het 85 544 vlugtelinge in die kampe gebly)[5] of in Indië gaan werk. Die VSA se Departement van Buitelandse Sake het in 2008 geraam dat ongeveer 35% van die bevolking van Bhoetan Lhotshampa as die ontheemde vlugtelinge ook as burgers gereken word.[6]

Verwysings[wysig | wysig bron]

  1. Chronology for Lhotshampas in Bhutan
  2. Aris, Michael (1979). Bhutan: The Early History of a Himalayan Kingdom. Aris & Phillips. p. 344. ISBN 978-0-85668-199-8.
  3. "Background and History: Settlement of the Southern Bhutanese". Bhutanese Refugees: The Story of a Forgotten People. Geargiveer vanaf die oorspronklike op 10 Oktober 2010. Besoek op 2010-10-03.
  4. 4,0 4,1 4,2 "Timeline: Bhutan". BBC News online. 2010-05-05. Besoek op 2010-10-01.
  5. "Bhutan (10/08)". U.S. Department of State. Besoek op 2016-03-14.
  6. "Bhutan (10/08)". U.S. Department of State. Besoek op 2016-03-14.