Europabrücke (Brennerautobahn)

in Wikipedia, die vrye ensiklopedie
Uitsig van Brennerbundesstraat op die Europabrücke

Die Europabrücke of Europabrug wat deel vorm van die Brennerautobahn (A 13), is 'n 777 meter lange brug met 'n span van 657 meter oor die Wippvallei net Suid van Innsbruck, Oostenryk. Teen 'n hoogte van 190 m bo die grond is dit die hoogste brug in Europa, wat op pilare rus. Tot met die voltooiing van die Franse kabelstutbrug Viaduc de Millau aan die einde van 2004 was dit vir 44 jaar lank die hoogste brug in Europa. Bouwerk het in 1960 'n aanvang geneem en die brug is op 17 November 1963 vir verkeer geopen.

Die brug oorspan die Wippvallei tussen Patsch en Schönberg. Die hoogte van die brug en die effens geboogde dek van die brug maak dit 'n toonbeeld van Ingenieursvernuf uit die 1960's.

Die Europabrücke rus op vyf gewapende beton pilare waarvan die middelste teen 146,5 m die hoogste is. Die hoofbrug het 'n staal konstruksie met lengte 657 m. Die spanwydte tussen die pilare bedra 81 + 108 + 198 + 108 + 81 + 81 m.

Die brug het 'n afwaartse helling van 4,05 % in Innsbruck se rigting. Die breedte is in 1984 met 1,20 m tot 24,6 m; vergroot. Die brug het drie bane in elke rigting waarvan die regterkanste baan as kruiplaan vir digte swaarverkeer dien.

Die Europabrücke is die onderwerp van talryke kunstenaarsvoorstellings en 'n geliefde fotografie-onderwerp (die gerieflikste afneempunt is by die kapel by die boonste parkeerterrein). Dit is ook op 'n aantal posseëls vertoon. Die bouwerk insluitend die konstruksie van die pilare kan van die ou Brenner Straße, wat in 'n kronkelpad tot by die brugpilare lei.

Oorspronklik is die bou van die brug nie voorsien as deel van die beplanning van die Brennerautobahn nie. As gevolg van die optrede van die Schönberginwoners, wat 'n toerisme bestaan uit die snelweg maak, is die padverloop verander wat die bou van die Europabrücke tot gevolg gehad het.

Eksterne skakels[wysig | wysig bron]

Koördinate: 47°12′08″N 11°24′07″O / 47.20222°N 11.40194°O / 47.20222; 11.40194