Fanie Eloff

in Wikipedia, die vrye ensiklopedie
Jump to navigation Jump to search
Fanie Eloff
’n Beeld van die betrokke persoonlikheid.
Eloff in Parys, 16 Julie 1912

Geboortenaam Stephanus Johannes Paulus Eloff
Gebore 7 Oktober 1885
Pretoria
Oorlede 20 November 1947
Pretoria
Nasionaliteit Suid-Afrika
Beroep Beeldhouer
Bekend vir Beeldhouwerk
Huweliksmaat Ongetroud
Kind(ers) Geen

Fanie Eloff (doopname Stephanus Johannes Paulus, 1885 - 1947) was 'n gesiene Suid-Afrikaanse beeldhouer. Hy is in die Transvaal gebore en was 'n kleinseun van Paul en Gezina Kruger. Sy vader was Frederik Christoffel Eloff, eienaar van die plaas Eloffsdal waarop die Pretoriase voorstad Capital Park uitgelê is, en sy moeder Elsie Eloff-Kruger. Ná hul dood drie weke ná mekaar het Fanie het 'n marmergrafbeeld van hulle gemaak – 'n vertolking van hul gewyde stemming by die naggebed. Een van sy susters, Elsie, was getroud met dr. Herman van Broekhuizen. Hy studeer in Europa en ontwikkel sy eie, kenmerkende styl wat plaaslik sowel as oorsee groot waardering uitlok. Hy sterf in 1947 in Pretoria.

Fanie het in 1929 'n opskudding in Pretoria veroorsaak toe hy sy beelde en Pierneef dié se skilderye op 'n groot uitstalling uitgestal het. Dit was vir die Pretorianers uit die eerste helfte van die 20ste eeu reeds vreemd dat 'n mens 'n bestaan kon voer uit bronsbeelde. Maar toe hulle die beelde sien, het hulle na hul asem gesnak: Dit was beelde van kaal mans. Toe dit boonop bekendraak dat Eloff gay is, was die oordeel gevel: Bly weg van Eloff en sy kuns.[1]

Bron[wysig | wysig bron]

Verwysings[wysig | wysig bron]

  1. (af) Pierneef hou ligte aan met skildery, Beeld, 23 Maart 2016.