Fedora
.svg){kind=logo} | |
 Fedora 33 | |
| Webwerf: | fedoraproject |
| Maatskappy/ ontwikkelaar: | Die Fedora Projek |
| Bedryfstelsel-familie: | Linux |
| Bronkodemodel: | Gemeng |
| Jongste stabiele uitgawe: | 40[1][2][3]  / 23 April 2024 |
| Paketbestuurder: | RPM |
| Platforms wat ondersteun word: | x86, X86-64, PowerPC |
| Verstek-gebruikerskoppelvlak: | GNOME en KDE |
Fedora (voorheen bekend as Fedora Core) is 'n RPM-gebaseerde Linux verspreiding wat deur die gemeenskapsondersteunde Fedora-projek ontwikkel is en deur Red Hat geborg word. Dit beoog om 'n volledige, veeldoelige bedryfstelsel te wees wat slegs vrye sagteware en oopbron sagteware bevat.[4][5] Fedora is 'n ontwikkeling vanaf die oorspronklike Red Hat Linux-verspreiding en is bedoel om die gebruikersweergawes van Red Hat Linux te vervang. Fedora word ondersteun deur die breër ontwikkelaarsgemeenskap; hoewel baie van die ontwikkelaars in Red Hat se diens staan verskaf Red Hat nie amptelike gebruikersondersteuning vir die verspreiding nie. Nuwe weergawes van Fedora word elke ses tot agt maande vrygestel.
Geskiedenis[wysig | wysig bron]
Die Fedora-projek is laat in 2003 geskep toe die Red Hat hul Red Hat Linux ontwikkeling gestaak het. Red Hat het aanbeveel dat hul kommersiële gebruikers oorskakel na Red Hat Enterprise Linux (RHEL), wat tans Red Hat se enigste amptelik ondersteunde Linux-verspreiding is, terwyl Fedora voorsiening maak vir die meer informele gebruikers. RHEL vertak van hulle vrystellings vanaf Fedora weergawes wat party kritikuste laat beweer dat Fedora gebruikers dan in der waarheid beta-toetsers is vir RHEL.
Red Hat se vrystelling van Fedora het 'n gewilde neiging onder kommersiële Linux-verspreiders laat posvat waar 'n gemeenskapsverspreiding geskep word met 'n noue verbintenis aan 'n kommersiële verspreiding. Die gemeenskapsverspreiding dien dan as 'n ope ontwikkelingslaboratorium vir die kommersiële verspreiding.
Programmatuurversamelings[wysig | wysig bron]
Fedora het twee hoofversamelings van programmatuur; Fedora Core vir die basiese pakkette en Fedora Extras vir pakkette wat nie as deel van die kern versprei word nie.
Fedora Core[wysig | wysig bron]
Die Fedora Core versameling van programmatuur bevat die basiese pakkette wat benodig word om Fedora te maak werk.
Fedora Extras[wysig | wysig bron]
Die Fedora Extras versameling is vir pakkette wat nie versprei word saam met Fedora Core verspreiding nie. Pakkette uit die versameling kan gewoonlik aanlyn verkry word en kan afgelaai word met yum of ander pakketbestuursagteware. Fedora Extras is slegs beskikbaar vir Fedora Core 3 en latere weergawes. Daar word beoog om vanaf Fedora 7, die Extras versameling saam met Core in 'n enkele versameling saam te smelt.
Benaming[wysig | wysig bron]
Die naam is afkomstig vanaf Fedora Linux, 'n vrywilligersprojek wat ekstra programmatuur vir die Red Hat Linux verspreiding geskep het en hul naam afgelei het vanaf die Engelse benaming van die kenmerkende vilthoed wat op Red Hat se "Shadowman" kenteken verskyn. Fedora Linux is uiteindelik deur die Fedora-projek oorgeneem.[6] Red Hat was vir lank in 'n dispuut gewikkel met die skeppers van Fedora oor die naam waarop Red Hat gepoog het om handelsnaamregte te verkry het.[7] Daar word dikwels na Fedora verwys as Fedora Linux, maar dit is egter nie die amptelike naam vir die verspreiding nie. Die woord "Core" onderskei die hoofpakkette van Fedora van die Fedora Extras projekte, wat aanvullende sagteware vir Fedora Core skep. Die verskil tussen hierdie pakkette is dat Red Hat die Core versameling in stand hou en dat Extras deur 'n groep vrywilligers in stand gehou word. Na Fedora Core 6 se vrystelling is daar 'n besluit geneem om die twee versamelings saam te smelt[8] wat meebring dat die volgende weergawe bloot as Fedora 7 vrygestel gaan word.
Oorsig[wysig | wysig bron]
Fedora word op 'n stel van vyf CD's versprei of op 'n enkele DVD; slegs die eerste twee CD's word benodig vir 'n basiese installasie. Netwerk-installasies oor HTTP, FTP en NFS word ook ondersteun. GNOME is Fedora se standaard grafiese koppelvlak terwyl KDE ook ingesluit is op die CD's en DVD's. GNU GRUB is die standaard selflaaier.
Fedora is ontwerp om maklik te installeer en op te stel, en sluit 'n suite eenvoudige grafiese installasie- en opstellingshulpmiddele in. Die standaard lêerstelsel is ext3 oor LVM en die pakketbestuurstelsel is RPM. Fedora Extras bevat soveel as 7 000 pakkette. Daar bestaan ook 'n aantal nie-amptelike versamelings wat nie by Extras ingesluit is nie vanweë moontlike kopiereg- of patentregkwessies.
Die bestuur van programpakkette word gehanteer deur die yum-nutsprogram; grafiese koppelvlakke vir yum naamlik "pirut" en "pup" word ook verskaf.
Verwysings[wysig | wysig bron]
- ↑ "Fedora Linux 40 Available For Download As A Wonderful Upgrade" (in Engels). 23 April 2024. Besoek op 23 April 2024.
- ↑ "Fedora Linux 40 est de sortie avec un nouveau GNOME et KDE Plasma" (in Frans). 23 April 2024. Besoek op 23 April 2024.
- ↑ Matthew Miller (23 April 2024). "OMG! We're at forty! (Announcing the release of Fedora Linux 40)" (in Engels). Besoek op 23 April 2024.
- ↑ Fedora Projekdoelwitte, 2007-02-12
- ↑ Artikel deur Fedora Projekleier Max Spevack, 2006-12-17
- ↑ "Fedora Network Proposal, 2006-07-28". Geargiveer vanaf die oorspronklike op 19 Februarie 2003. Besoek op 19 Februarie 2003.
- ↑ "Red Hat Inc.'s Use of The Fedora Name, 2006-07-28". Geargiveer vanaf die oorspronklike op 15 Junie 2006. Besoek op 12 April 2007.
- ↑ Fedora 7, 2007-01-17
Eksterne skakels[wysig | wysig bron]
 |
Wikimedia Commons bevat media in verband met Fedora (Operating System). |
- Die Fedora-projek se Tuisblad
- FedoraNEWS
- FedoraForum.org Amptelike Fedora ondersteuningsforum sedert 4 Mei 2005
Linux verspreidings | |
|---|---|
