Felipe Massa

in Wikipedia, die vrye ensiklopedie
Spring na: navigasie, soek
Felipe Massa

Felipe Massa (25 April 1981, São Paulo) is 'n Brasiliaanse Formule 1-renjaer. Hy jaag sedert 2014 vir die Williamsspan nadat hy van 2006 tot 2013 deel van die Scuderia Ferrarispan was.

Massa se F1-debuut was in 2002. Sy beste seisoenprestasie tot op datum was toe hy in 2008 die naaswenner was ná Lewis Hamilton. Hy was in 2006 ook die eerste Brasiliaanse renjaer sedert Ayrton Senna in 1993 wat die wedren in Brasilië kon wen.

In die middel van die 2009-seisoen het Massa 'n ernstige ongeluk in Hongarye gehad wat byna sy lewe geëis het. Hy is in die span deur Luca Badoer en Giancarlo Fisichella vervang. Ná ’n reeks toetse het Ferrari aangekondig dat Massa van 12 Oktober 2009 af weer vir hulle sou jaag.

In 2013 het Massa aanvanklik goed gevaar in die Australiese Grand Prix, maar hy het uiteindelik vierde geëindig. In Maleisië het hy vyfde geëindig, in Sjina sesde, in Bahrein 15de ná teenspoed en in Spanje derde. In Monaco was hy in twee ongelukke betrokke weens ’n fout met sy motor, maar hy het ongedeerd daarvan afgekom.