Francis George Farewell
Francis George Farewell (1784–1829) was 'n vroeë pionier van Natal en 'n Luitenant in die Britse Vloot. Hy arriveer in 1823 in die Kaapkolonie en sluit aan by 'n ekspedisie op die skip Salisbury wat na Port Natal gestuur is. Hy word gelok deur die moontlikhede wat die land bied en besluit om 'n nedersetting te begin en oorreed 25 ander koloniste om by hom aan te sluit. In Junie 1824 bou hulle die eerste huise, maar 21 persone laat hom in die steek. In dieselfde jaar besoek hy vir Tsjaka van wie hy 'n groot grondtoekenning in die omgewing van die Durban baai ontvang. Gedurende 1828 besoek hy Port Elizabeth om handelsware te koop; hy word vermoor deur inboorlinge op sy terugtog.
Bronne
[wysig | wysig bron]- Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.