Frans Banninck Cocq

in Wikipedia, die vrye ensiklopedie
Jump to navigation Jump to search
Frans Banninck Cocq (geklee in swart met 'n rooi serp) is die sentrale figuur in Rembrandt se Die Nagwag.

Frans Banninck Cocq (soms verkeerd gespel as Banning[1]) (Amsterdam, 23 Februarie 1605 – 1 Januarie 1655) was teen die middel van die 17de eeu 'n burgemeester van Amsterdam. Hy is veral bekend as die sentrale figuur in Rembrandt se meesterstuk Die Nagwag.[2]

Biografie[wysig | wysig bron]

Frans Banninck Cocq

Frans was die seun van Jan Jansz Cock, 'n plaaslike apteker in die Warmoesstraat en Lysbeth Frans (Banninck). Hy is op 27 Februarie 1605 in die nabygeleë Ou Kerk gedoop.[3] Aangesien sy ouers nie getroud was nie, het dit 'n skandaal veroorsaak, maar op 17 September dieselfde jaar het hulle na die stadhuis gegaan om in die huwelik te tree.[3] Albei was familie van Cornelis Hooft. Frans het tussen 1625 en 1627 regte studeer in Poitiers en Bourges.[4] Hy word kaptein van die burgermag nadat hy na Amsterdam teruggekeer het. In 1630 trou hy met Maria Overlander van Purmerland, dogter van Volkert Overlander (haar suster Geertruid Overlander was getroud met Cornelis de Graeff), handelaar en een van die stigters van die Verenigde Oos-Indiese Kompanjie, en 'n paar keer burgemeester van Amsterdam. Toe sy skoonpa oorlede is, erf Banninck Cocq sy eiendomme, waaronder 'n kanaalhuis, die kasteel van Ilpenstein noord van Amsterdam, tesame met die titel Lord van Purmerland en Ilpendam. Banninck Cocq het die hoofsaal versier met portrette van die voorvaders van sy vrou.[5] Die egpaar het geen kinders gehad nie.

Cocq het in "De Dolphijn", Singel 140 gewoon.

Rondom 1630 volg Banninck Cocq sy skoonpa op as 'n lid van die stadsraad. In 1651 word hy aangestel as burgemeester van Amsterdam. Hy was 'n adviseur vir sy swaers Cornelis en Andries de Graeff. In 1653 word hy herkies.

Banninck Cocq is vandag veral bekend daarvoor dat hy uitgebeeld word in 'n skildery van Rembrandt van Rijn in opdrag in 1638, wat Cocq en sy geselskap van burgerwagte toon. Alhoewel bekend as Die Nagwag (1642), is dit nie die oorspronklike titel nie; destyds was dit in werklikheid ongewoon om skilderye te benoem, maar as dit inderdaad 'n naam gehad het, sou die korrekter "Die geselskap van kaptein Frans Banning Cocq en luitenant Willem van Ruytenburch" wees. Die skildery is onder meer opvallend vanweë sy groot grootte: ongeveer 3,35 m by 4,26 m (11 vt by 14 vt).

Frans Banninck Cocq is op 6 Januarie 1655 begrawe; sy grafkapel is in die Oude Kerk geleë.[3]

Verwysings[wysig | wysig bron]

  1. S.A.C. Dudok van Heel (1992) FRANS BANNINCK COCQ (1605-1655), DE KAPITEIN VAN ‘DE NACHTWACHT’ In: Maandblad Amstelodamum.
  2. "'The Company of Capteyn Frans Banning Cocq' (aka 'The Night Watch') by Rembrandt". Besoek op 12 Maart 2012.
  3. 3,0 3,1 3,2 Stadsarchief Amsterdam
  4. Koninklijke Bibiotheek
  5. S.A.C. Dudok van Heel (2002) Toen hingen er burgers als vorsten aan de muur, p. 57. In: Kopstukken