Fredi Nest

in Wikipedia, die vrye ensiklopedie
Spring na: navigasie, soek
Fredi Nest
Fredi Nest.jpg
Geboortenaam Fredi Nester Esterhuizen
Geboorte 25 Maart 1959
Johannesburg, Suid-Afrika
Afsterwe 3 Julie 2015
Pretoria, Suid-Afrika
Beroep(e) Sanger, skrywer
Instrument(e) Stem
Aktiewe jare 1995–2015
Webwerf fredinestmusician.co.za
Portal.svg Musiekportaal

Fredi Nester Esterhuizen (25 Maart 19593 Julie 2015) was 'n bekende Afrikaanse liedjieskrywer en sanger. Hy het 14 albums en een DVD oor sy loopbaan opgeneem. Van sy populêre liedjies sluit in: Getoor, Sê My, Meer En Meer, Hey DJ en Bly Net Naby My. Sy verhoognaam, Fredi Nest, is 'n kombinasie van sy voornaam en eerste gedeelte van sy middelste naam.

Biografie[wysig | wysig bron]

Fredi is op 25 Maart 1959 in Johannesburg, Suid-Afrika gebore en is die oudste van vyf kinders. Hy het al van kleintyd af gesing en kitaar gespeel, maar het eers in sy laat dertigs besluit om musiek sy loopbaan te maak.

In 1995 is sy debuutalbum, Memory Train, uitgereik. 'n Jaar later het hy die IBA-prys vir Listen To Me, as die mees gespeelde liedjie op gemeenskapradiostasies ontvang. Hy het sy deurbraak in die Afrikaanse musiekbedryf in 1999 met die album Wie is jy gemaak.

Nest het in Cullinan naby Pretoria gewoon, waar hy vir homself 'n ateljee gebou het wat ook vir CD-opnames en produksies gebruik is.

Hy is in Mei 2015 met 'n breingewas gediagnoseer, waarna hy behandeling by die Steve Biko Akademiese Hospitaal in Pretoria ontvang het. Die kanker het egter vinnig na die res van sy liggaam versprei. Hy is op 3 Julie 2015 by 'n plaaslike hospice oorlede.[1]

Diskografie[wysig | wysig bron]

Nest het die volgende albums opgeneem:

  • Memory Train, 1995
  • Leave a Light On in, 1997
  • Wie Is Jy?, 1999
  • Goue Gunstelinge, 2001
  • Kom na my toe, 2003
  • Sê My, 2005
  • Hey DJ, 2006
  • Kom kry vir jou, 2007
  • Grootste Treffers LIVE (DVD), 2007
  • Vrystaat Limousine, 2008 SELECT
  • Dronkverliefverslaafaanjou, 2010 SELECT
  • Grootste Treffers, 2011 SELECT
  • Begin By My, 2012 SELECT
  • Desperado, 2014 SHIAM MUSIC

Sien ook[wysig | wysig bron]

Verwysings[wysig | wysig bron]

Eksterne skakels[wysig | wysig bron]