Freyr

in Wikipedia, die vrye ensiklopedie
Jump to navigation Jump to search
'n Beeld uit die Wikingtydperk wat in 1904 in Swede ontdek is en vermoedelik die god Freyr uitbeeld.[1]

Freyr of Frey (Oudnoors vir "meester) is een van die bekendste gode in die Noorse mitologie. Hy word verbind met heilige koningskap, vrugbaarheid, vrede, vooruitgang en viriliteit, met sonskyn en mooi weer, en met 'n goeie oes. Freyr, soms Yngvi-Freyr genoem, is veral met Swede verbind en beskou as 'n voorouer van die Sweedse koningshuis. Hy is ook verbind met plesier, en 'n fallusstandbeeld van hom is in die tempel by Uppsala opgerig.

Die geveg tussen Freyr en Surtr, deur Lorenz Frølich.

Mites[wysig | wysig bron]

In die mitologiese stories in die Yslandse boeke Poëtiese Edda en Prosaïese Edda is Freyr een van die Wane, die seun van die god Njord en sy suster-vrou, en die tweelingbroer van die godin Freyja.

Die gode het vir hom Alfheimer (Álfheimr), die ryk van die elwe, present gegee toe hy tande kry. Hy ry op die wildevark Gullinbursti, wat deur dwerge gemaak is, en besit die skip Skidbladnir (Skíðblaðnir), wat altyd 'n goeie wind kry en wat opgevou en in jou sak gebêre kan word as dit nie gebruik word nie. Freyr is ook al met die perdekultuur vereenselwig. Hy het heilige perde aangehou in sy heiligdom by Trondheim in Noorweë.[2]

Die langste bekende mite oor Freyr handel oor hom toe hy verlief geraak het op die trol Gerd. Sy word eindelik sy vrou, maar eers moet Freyr sy swaard weggee wat self veg as dit deur 'n wyse persoon gebruik word. Sonder sy swaard sal hy eindelik deur die vuurreus Surtr doodgemaak word in die Ragnarök.

Verwysings[wysig | wysig bron]

  1. Lindow, John (2001). Norse Mythology: A Guide to Gods, Heroes, Rituals, and Beliefs (in Engels). Oxford University Press. ISBN 978-0-19-983969-8.
  2. Davidson, Hilda E. (1964). Gods and Myths of Northern Europe (in Engels). Penguin. ISBN 978-0-14-194150-9.

Skakels[wysig | wysig bron]

Voorganger
Njord
Legendariese Sweedse konings Opvolger
Fjölnir