GameStop kortdruk-aksie

in Wikipedia, die vrye ensiklopedie
Sluitingsprys van GameStop Corp. (GME) vanaf 28 Desember 2020 tot 29 Januarie 2021.[1]

In Januarie 2021 ondervind die aandeelpryse van Amerikaanse videospeletjie-kleinhandelaar GameStop en ander sekuriteite, 'n kortdruk-aksie (Engelsːshort squeeze) op verskillende aandelebeurse, wat reuse finansiële gevolge het vir verskansingsfondse. Die kortdruk-aksie het die aandeelprys van die kleinhandelaar met amper 190 keer verhoog van sy rekordlaagtepunt van VS$ 2,57 tot byna VS$ 500 per aandeel, wat groot verliese vir kortverkopers veroorsaak het.[2] Ongeveer 140 persent van die GameStop-aandele is tydens die kortverkoopaksie verkoop, en die spoed om aandele te koop ten einde hul posisies te dek namate die prys gestyg het, het die prys verder verhoog. Die kortdruk-aksie is aanvanklik en hoofsaaklik veroorsaak deur gebruikers van die internetforum r/wallstreetbets op Reddit. Data van die finansiële data-analise firma Ortex het op 28 Januarie 2021 aangedui dat die geskatte verliese weens die kortspeel-aksie van GameStop VS$ 1,03 miljard was.[3]

Op 28 Januarie het verskeie makelaarfirmas, waaronder Robinhood, die aankoop van GameStop aandele en ander sekuriteite gestaak, en later gesê dat hulle nie genoegsaame sekurteite by die bankklaringshuise (clearing houses) kon kry om die bestellings van hul kliënte uit te voer nie. Hierdie besluit het kritiek en beskuldigings van markmanipulasie deur prominente politici en sakelui van regoor die politieke spektrum ontlok. Klasaksies is teen Robinhood aanhangig gemaak by die Amerikaanse distrikshowe vir die suidelike distrik van New York en die noordelike distrik van Illinois.

Baie ander aandele wat ook kort gespeel is, het ook prysstygings beleef. In reaksie op makelaars wat die aankoop van GameStop en ander sekuriteite gestaak het, het die totale markkapitalisasie van kriptogeldeenhede ook toegeneem.

Agtergrond[wysig | wysig bron]

Kortverkoop en kortdruk-aksie[wysig | wysig bron]

Kortverkope is 'n finansieringspraktyk waarin 'n belegger, bekend as die kortverkoper, aandele leen en onmiddellik verkoop, in die hoop om dit later teen 'n laer prys terug te koop en die geleende aandele (plus rente) terug te gee aan die lener en dan die verskil te hou. Die praktyk hou 'n onbeperkte risiko van verliese in, omdat daar geen inherente beperking is op hoe hoog 'n aandeelprys kan styg nie. Dit is in teenstelling met 'n lang posisie (bloot die besit van die aandeel), waar die belegger se verlies beperk is tot die koste van die aanvanklike belegging (dit wil sê die verlies kan hoogstens 100 persent wees). As 'n kortverkoper byvoorbeeld aandele teen R20 leen en dan teen R50 dek (dit wil sê die aandeel het met 150 persent gestyg), sou hulle R30 per aandeel verloor het, wat 'n verlies van 150 persent beteken.[4][5] Een manier om sulke verliese te beperk, is om verskansing te gebruik, soos om koopopsies te stel teen trefpryse wat bo die huidige markprys is.

Kortverkopers word blootgestel aan die risiko van kortdruk-aksies, wat voorkom as die aandeel wat kort gespeel word, teen verwagting in waarde styg, byvoorbeeld as gevolg van 'n skielike gunstige nuus. Kortverkopers moet dan die aandele wat hulle aanvanklik verkoop het, terugkoop in 'n poging om hul verliese te beperk. As die aandeel gekoop word om hul kort posisies te dek, verhoog dit die prys van die kortgespeelde aandele, en sodoende word meer kortverkopers aangespoor om hul posisies te dek deur die voorraad te koop. Dit kan lei tot 'n kaskade van aandeeltransaksies en 'n groter sprong van die aandeelprys.[6][7][8]

Op 22 Januarie 2021 is ongeveer 140 persent van die wisselaandele (die deel van die aandele van 'n korporasie wat in die hande van openbare beleggers is) van GameStop kort verkoop, wat beteken dat sommige kortverkoopte aandele weer uitgeleen en weer kortgekoop is.[9] Waarnemers wat by r/wallstreetbets bymekaargekom het, het geglo dat die maatskappy aansienlik onderwaardeer word, en omdat so 'n groot hoeveelheid aandele kort gekoop is, het dit 'n kortdruk-aksie veroorsaak deur die prys te verhoog tot die punt waar kortverkopers moes kapituleer en hul posisies moes dek teen groot verliese.[8]

GameStop[wysig | wysig bron]

GameStop, 'n Amerikaanse kettinggroep met fisiese videospeletjieswinkels, het die afgelope paar jaar gesukkel weens die mededinging van digitale verspreidingsdienste, sowel as die ekonomiese gevolge van die covid-19-pandemie, wat die aantal mense wat in persoon inkopies gedoen het, verminder het. Gevolglik het GameStop se aandeelprys gedaal, wat daartoe gelei het dat baie institusionele beleggers die aandeel kort verkoop het. In September 2020 het Ryan Cohen (die voormalige uitvoerende hoof van die aanlyn troeteldierkoshandelaar Chewy) egter 'n beduidende belegging in GameStop onthul en by die maatskappy se direksie aangesluit, wat sommige laat glo het dat die aandeel onderwaardeer is.[8]

Moontlike oorsake[wysig | wysig bron]

As gevolg van die covid-19-pandemie, was verbruikersbesteding in die algemeen drasties laer as normaalweg. Daar was ook meer geld in die hande van beleggers as gevolg van histories lae rentekoerse en die onvermoë om hul geld elders te bestee.[10] Ander voorgestelde faktore sluit in 'n kultuur om massiewe waagstukke op die aandelemark te neem in die hoop om vinnig geld te verdien,[11] woede van sommige beleggers teenoor Wall Street-verskansingsfondse vir hul rol in die finansiële krisis van 2007 en 2008,[12][13][14][15] of die algemene demokratisering van die aandelemark tesame met die vermoë van kleinhandelaars om onmiddellik via sosiale media te kommunikeer.[16]

r/wallstreetbets is 'n gemeenskap, of subreddit, op die sosiale nuuswebwerf Reddit. Die subreddit is bekend vir hoërisiko-aandeletransaksies.[17] Reeds voor die aksie was daar belangstelling in GameStop (simbool: GME) op r/wallstreetbets. Een gebruiker, Keith Gill,[18][19][20] wat op die webwerf bekend staan as u / DeepFuckingValue[18] en op ander sosiale media-rekeninge as "Roaring Kitty",[19] het ongeveer $ 53 000 koopopsies op GME gekoop in 2019 en het sy posisie op 27 Januarie 2021 tot 'n waarde van $ 48 miljoen gestyg.[20][13][21] Gill, 'n 34-jarige bemarkingsdeskundige en geoktrooieerde finansiële analis (CFA) van Massachusetts, het gesê dat hy gedurende die somer van 2019 in GameStop begin belê het, nadat hy geglo het dat die aandeel onderwaardeer is. Gill het sy belegging op r/wallstreetbets gedeel en gereeld sy prestasies opgedateer, insluitend die tye toe die belegging gedaal het. Gill het op 29 Januarie gesê dat hy "gedink het dat hierdie handel suksesvol sou wees", maar "nooit verwag het wat die afgelope week gebeur het nie", en het bygevoeg dat hy van plan was om sy YouTube-kanaal voort te sit en moontlik 'n huis te koop.[18]

Verwysings[wysig | wysig bron]

  1. ↑ Data van Yahoo! Finance https://finance.yahoo.com/quote/GME/history/
  2. ↑ https://maroelamedia.co.za/nuus/nuuskommentaar/nuuskommentaar-die-wolwe-van-wall-street/ Opgespoor en besoek op 2 Februarie 2021
  3. ↑ Rao, Sujata (28 Januarie 2021). "Losses on short positions in U.S. firms top $70 billion - Ortex data". Reuters. Besoek op 31 Januarie 2021. {{cite news}}: |archive-date= requires |archive-url= (hulp)AS1-onderhoud: url-status (link)
  4. ↑ van Doorn, Philip. "How you could lose everything by short-selling stocks, whether it's betting against GameStop or Tesla". MarketWatch. Geargiveer vanaf die oorspronklike op 26 Januarie 2021. Besoek op 28 Januarie 2021.
  5. ↑ Davies, Rob (28 Januarie 2021). "GameStop: how Reddit amateurs took aim at Wall Street's short-sellers". The Guardian (in Engels). Geargiveer vanaf die oorspronklike op 28 Januarie 2021. Besoek op 28 Januarie 2021.
  6. ↑ Constable, Simon (6 Desember 2015). "What Is a Short Squeeze?". The Wall Street Journal. Geargiveer vanaf die oorspronklike op 23 Januarie 2021. Besoek op 29 Januarie 2021.
  7. ↑ Powell, Jamie (25 Januarie 2021). "GameStop can't stop going up". Financial Times. Geargiveer vanaf die oorspronklike op 26 Januarie 2021. Besoek op 29 Januarie 2021.
  8. ↑ 8,0 8,1 8,2 Stewart, Emily (28 Januarie 2021). "The GameStop stock frenzy, explained". Vox (in Engels). Geargiveer vanaf die oorspronklike op 28 Januarie 2021. Besoek op 28 Januarie 2021.
  9. ↑ Chapaman, Michelle (27 Januarie 2021). "In battle over GameStop shares, two big players flinch". Business Insider (in Engels). Geargiveer vanaf die oorspronklike op 27 Januarie 2021. Besoek op 27 Januarie 2021.
  10. ↑ Hulbert, Mark (28 Desember 2020). "Opinion: Do record-low interest rates justify the stock market's overvaluation? Here's the answer". MarketWatch (in Engels). Geargiveer vanaf die oorspronklike op 27 Januarie 2021. Besoek op 28 Januarie 2021.
  11. ↑ Laboe, Daniel (16 Junie 2020). "New Generation Of Investors Are Treating The Stock Market Like A Casino". Yahoo! Finance (in Engels). Geargiveer vanaf die oorspronklike op 1 Julie 2020. Besoek op 28 Januarie 2021.
  12. ↑ Chohan, Usman W. (28 Januarie 2021). "Counter-Hegemonic Finance: The GameStop Short Squeeze". Financial Crises eJournal. Social Science Research Network. SSRN 3775127. Geargiveer vanaf die oorspronklike op 29 Januarie 2021. Besoek op 29 Januarie 2021.
  13. ↑ 13,0 13,1 McDermott, John (27 Januarie 2021). "How WallStreetBets Redditors Used Their Collective Power to Manipulate the Stock Market". Esquire (in Engels). Geargiveer vanaf die oorspronklike op 28 Januarie 2021. Besoek op 28 Januarie 2021.
  14. ↑ Kochkodin, Brandon (25 Januarie 2021). "How WallStreetBets Pushed GameStop Shares to the Moon". Bloomberg News (in Engels). Geargiveer vanaf die oorspronklike op 27 Januarie 2021. Besoek op 27 Januarie 2021.
  15. ↑ Authers, John (26 Januarie 2021). "GameStop Is Rage Against the Financial Machine". Bloomberg News (in Engels). Geargiveer vanaf die oorspronklike op 28 Januarie 2021. Besoek op 29 Januarie 2021.
  16. ↑ Zweig, Jason (30 Januarie 2021). "The Real Force Driving the GameStop Revolution". The Wall Street Journal. Geargiveer vanaf die oorspronklike op 30 Januarie 2021. Besoek op 30 Januarie 2021.
  17. ↑ Davison, Jake (25 Oktober 2018). "Meet the Bros Behind /r/WallStreetBets, Who Lose Hundreds of Thousands of Dollars in a Day—And Brag About It". Money (in Engels). Geargiveer vanaf die oorspronklike op 29 Januarie 2021. Besoek op 29 Januarie 2021.
  18. ↑ 18,0 18,1 18,2 Verlaine, Julia-Ambra; Banerji, Gunjan (29 Januarie 2021). "Keith Gill Drove the GameStop Reddit Mania. He Talked to the Journal". The Wall Street Journal. Geargiveer vanaf die oorspronklike op 29 Januarie 2021. Besoek op 29 Januarie 2021.
  19. ↑ 19,0 19,1 Popper, Nathaniel; Browning, Kellen (29 Januarie 2021). "The 'Roaring Kitty' Rally: How a Reddit User and His Friends Roiled the Markets". The New York Times. Geargiveer vanaf die oorspronklike op 29 Januarie 2021. Besoek op 29 Januarie 2021.
  20. ↑ 20,0 20,1 Prentice, Chris; Schroeder, Pete (29 Januarie 2021). "Famed GameStop bull 'Roaring Kitty' is a Massachusetts financial advisor". Reuters. Geargiveer vanaf die oorspronklike op 29 Januarie 2021. Besoek op 29 Januarie 2021.
  21. ↑ Esguerra, Harvey (28 Januarie 2021). "Meme Stock War Stories: From GameStop Diamond Hands to Robinhood's Reversal". Complex. Geargiveer vanaf die oorspronklike op 29 Januarie 2021. Besoek op 29 Januarie 2021.
Ontsluit van "https://af.wikipedia.org/w/index.php?title=GameStop_kortdruk-aksie&oldid=2618716"