Ganden Tripa

in Wikipedia, die vrye ensiklopedie
Jump to navigation Jump to search
’n Standbeeld van Je Tsongkhapa, die stigter van die Gelug-skool en die 1ste Ganden Tripa, op die altaar van sy tempel in die Kumbum-klooster naby Qinghai in China. Foto deur die skrywer Mario Biondi, 7 Julie 2006.

Ganden Tripa ("Houer van die Ganden-troon") is die titel van die spirituele hoof van die Gelug-skool van Tibettaanse Boeddhisme, die skool wat Sentraal-Tibet van die middel 17de eeu tot die 1950's beheer het. Die huidige en 102de Ganden Tripa is Thubten Nyima Lungtok Tenzin Norbu.[1] Hy is die hoof van die Gelug-skool en nie, soos dikwels geglo word, die Dalai Lama nie.[2][3]

Je Tsongkhapa (1357–1419), wat die Gelug-skool gestig het, was die 1ste Ganden Tripa.

Die Ganden Tripas word aangestel en is nie reïnkarnasies soos die Dalai Lamas nie. Hulle word elke sewe jaar op meriete verkies.[4] Dus was daar al 102 Ganden Tripas teenoor 14 Dalai Lamas.

Verwysings[wysig | wysig bron]

  1. Jewel Heart (10 November 2010). "His Holiness the Ganden Tripa to visit Jewel Heart this weekend". Michigan, VSA: Ann Arbor News. His Holiness Ganden Tri Rizong Rinpoche is the supreme spiritual head of the Tibetan Buddhist Gelugpa tradition worldwide. 
  2. Powers, John. "Gelukpa Tibetan Buddhism" inskrywing in Melton, J. Gordon, en Martin Baumann. 2002. Religions of the World: A Comprehensive Encyclopedia of Beliefs and Practices. Santa Barbara, Kalif: ABC-CLIO. p. 533.
  3. Dr. Alexander Berzin (November 2014). "Special Features of the Gelug Tradition - para. on Administration". The Buddhist Archives of Dr Alexander Berzin. Berzin Archives. Besoek op 8 Mei 2015. The Dalai Lamas are not the heads of the Gelug tradition 
  4. Berzin, Alexander; Tsenshap Serkong Rinpoche II (September 2003). "A Brief History of Ganden Monastery". The Berzin Archives. Besoek op 2010-02-04.