Geen ware Skot

in Wikipedia, die vrye ensiklopedie
Jump to navigation Jump to search

Geen ware Skot, of 'n beroep op suiwerheid, is 'n informele dwaling waarin 'n mens probeer om 'n universele veralgemening teen teenvoorbeelde te beskerm deur die definisie op 'n onbeplande manier te verander om die teenvoorbeeld uit te sluit.[1][2] Eerder as om die teenvoorbeeld te ontken of die oorspronklike eis te verwerp, verander hierdie dwaling die onderwerp van die bewering om die spesifieke saak of ander daarvan deur retoriek uit te sluit, sonder verwysing na enige spesifieke objektiewe reël: "geen ware Skot sou so iets doen nie". Dit wil sê, diegene wat daardie aksie uitvoer is nie deel van ons groep nie en kritiek op die aksie is dus nie kritiek op die groep nie.[3]

Die inleiding van die term word toegeskryf[4] aan die Britse filosoof Antony Flew, omdat die term oorspronklik in Flew se boek An Introduction to Western Philosophy uit 1971 verskyn het.[3]

Voorbelde[wysig | wysig bron]

Die gewone vorm van die argument loop so:

Persoon A: "Geen Skot sit suiker op sy pap nie."
Persoon B: "Maar my oom is 'n Skot en hy sit suiker op sy pap."
Persoon A: "Maar geen ware Skot sit suiker op sy pap nie."

en:

Persoon A: "Geen Christelike priester sou 'n kind mishandel nie."
Persoon B: "Katolieke priesters het kinders gemolesteer."
Persoon A: "Maar Katolieke is nie ware Christene nie."

Teenvoorbeeld[wysig | wysig bron]

Argumente van hierdie aard is nie noodwendig altyd verkeerd nie. Byvoorbeeld:

Persoon A: "Geen pasifis steek mense dood nie."
Persoon B: "Ek ken een wat 'n paar mense doodgesteek het."
Persoon A: "Die man was nie 'n regte pasifis nie."

Die vorm van die argument is die selfde as dié van die dwaling maar die logiese gevolgtrekking is geldig.

Verwysings[wysig | wysig bron]

  1. "No True Scotsman" (in Engels). Internet Encyclopedia of Philosophy. Geargiveer vanaf die oorspronklike op 20 Augustus 2019. Besoek op 6 Augustus 2020.
  2. Curtis, Gary N. "Redefinition". Fallacy Files (in Engels). Besoek op 6 Augustus 2020.
  3. 3,0 3,1 Antony Flew (1975). Thinking About Thinking (or, Do I Sincerely Want to be Right?) (in Engels). Fontana/Collins. Besoek op 6 Augustus 2020.
  4. "Obituary: Prof. Antony Flew". The Scotsman (in Engels). 16 April 2010. Geargiveer vanaf die oorspronklike op 21 Oktober 2018. Besoek op 6 Augustus 2020.

Eksterne skakels[wysig | wysig bron]