Gereformeerde kerk Uitenhage

in Wikipedia, die vrye ensiklopedie
Jump to navigation Jump to search
Die eerste kerkgebou van die gemeente.
Die tweede kerkgebou. ds. P. Krüger het 'n gedenksteen onthul met die ingebruikneming van die kerk op 1 Februarie 1975.
Die interieur van die tweede kerk.

Die Gereformeerde kerk Uitenhage is ’n gemeente van die Gereformeerde Kerke in Suid-Afrika op die Oos-Kaapse dorp Uitenhage. Dis die vierde oudste gemeente in die Klassis Karoo-Kei en einde 2015, toe hier 88 belydende en 13 dooplidmate was, die vierde kleinste van die 12 gemeentes. Vyf jaar vantevore was dit onderskeidelik 77 en ses en in 1997 99 en 14.

Die gemeente Uitenhage het op 8 Desember 1951 van die Gereformeerde kerk Port Elizabeth afgestig. Dienste is aanvanklik in huise en skoolsale gehou en op uitnodiging van die Kongregasionalistiese kerk is hul saal en later kerkgebou vir eredienste gebruik. In 1956 het die gemeente ’n kerkgeboutjie gekoop, maar dit ná 16 jaar verkoop en besluit om ’n groter gebou op te rig. Die erf vir dié doel het die gemeente teen R2 van die stadsraad aangekoop.

Prof. J.P. Snyman het as argitek opgetree in ’n tyd toe hy lidmaat was van Port Elizabeth. Die bouaannemer was Jaap vermaak, ’n lidmaat van Uitenhage. Hierdie gebou het ’n unieke karakter. Van die ingang af loop die mure van klein na groot, wat die klein mens voorstel wat na die grote God toe gaan. Die enigste venster in die hoofdeel van die gebou is so geplaas dat alles lig op die preekstoel val, want deur prediking van die Woord ontmoet die Here die gemeente. Dié kerk is op 1 Februarie 1975 in gebruik geneem.

Predikante[wysig | wysig bron]

  1. De Jager, Johannes Jacobus, 1964 – 1968
  2. Krüger, dr. Petrus, 1968 – 1982
  3. Mouw, Evert Gerrit, 1982 – 1986
  4. Kruger, Lourens Marthinus, 1986 – 1990; 1990 – 1993 (in kombinasie met Jeffreysbaai); 1994 – 30 Julie 2017 (aanvaar sy emeritaat; bly aan hom hulpdiens te verleen)

Bronne[wysig | wysig bron]

  • (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
  • (af) Schalekamp, ds. M.E. (voorsitter: redaksiekommissie). 2001. Die Almanak van die Gereformeerde Kerke in Suid-Afrika vir die jaar 2002. Potchefstroom: Administratiewe Buro.
  • (af) Van der Walt, dr. S.J. (voorsitter: deputate almanak). 1997. Die Almanak van die Gereformeerde Kerke in Suid-Afrika vir die jaar 1998. Potchefstroom: Administratiewe Buro.
  • (af) Venter, ds. A.A. (hoofred.) 1957. Almanak van die Gereformeerde Kerk in Suid-Afrika vir die jaar 1958. Potchefstroom: Administratiewe Buro.
  • (af) Venter, ds. A.A. (hoofred.) 1958. Almanak van die Gereformeerde Kerk in Suid-Afrika vir die jaar 1959. Potchefstroom: Administratiewe Buro.
  • (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.

Sien ook[wysig | wysig bron]