Uitenhage
Uitenhage | |
|---|---|
 Victoriatoring in Uitenhage | |
  Uitenhage Uitenhage se ligging in Oos-Kaap | |
| Koördinate: 33°46′S 25°24′O / 33.767°S 25.400°O | |
| Land |  Suid-Afrika |
| Provinsie | Oos-Kaap |
| Munisipaliteit | Nelson Mandelabaai |
| Stigting | 1804 |
| Regering | |
| • Tipe | Deel van 'n Metropolitaanse Munisipaliteit |
| • Burgemeester | Retief Odendaal (DA) |
| Oppervlak | |
| • Totaal | 75,35 km2 (29,09 vk. myl) |
| Hoogte | 103 m (338 ft) |
| Bevolking (2011)[1] | |
| • Totaal | 103 639 |
| • Digtheid | 1 375/km2 (3 560/vk. myl) |
| Rasverdeling (2011) | |
| • Wit mense | 18.4% |
| • Indiërs/Asiërs | 1.2% |
| • Bruin mense | 54.7% |
| • Swart mense | 23.8% |
| • Ander | 1.8% |
| Taal (2011) | |
| • Afrikaans | 68.9% |
| • Xhosa | 17.9% |
| • Engels | 10.4% |
| • Ander | 2.9% |
| Poskode (strate) | 6230 |
| Poskode (posbusse) | 6229 |
| Skakelkode | 041 |
Uitenhage is 'n dorp digby Gqeberha (voorheen Port Elizabeth) in die Oos-Kaapprovinsie van Suid-Afrika, wat veral vir sy Volkswagenfabriek bekend is. Dié fabriek is 'n Suid-Afrikaanse dogtermaatskappy van die Duitse motorvervaardiger en die grootste op die vasteland van Afrika met sowat 20 000 werknemers.
Geskiedenis
Die landdrosdistrik Uitenhage, is op 7 Februarie 1804 deur kommisaris-generaal Jacob Abraham de Mist per proklamasie as 5de distrik van die Kolonie van Graaff-Reinet afgestig. Op 25 April 1804 is kaptein Alberti, die kommandant van Fort Frederick, deur 'n "Publicatie" deur die goewerneur van die Kaapkolonie, Jan Willem Janssens, aangestel om die nuwe landdrosdistrik te bestuur en 'n geskikte woning vir die landdros van die distrik te vind. Kapt Jacob Cuyler is in 1806 gestuur om die pligte van Kapt Alberti oor te neem.
Die goewerneur vernoem die dorp na die Kaapse kommissaris-generaal Jacob Abraham Uitenhage de Mist. Op 11 Junie 1841 het die munisipaliteit van Uitenhage tot stand gekom deur die publikasie van regulasies daarvoor in die Staatskoerant ("Government Gazette").[2]
Op Uitenhage se markplein is 'n standbeeld van 'n Suid-Afrikaanse soldaat. Die standbeeld gedenk die vrywilligers uit Uitenhage wat tussen 1899 en 1902 in die Tweede Vryheidsoorlog geveg het. 'n Motorbuiteband is op 2 April 2015 oor die beeld gegooi en aan die brand gesteek.[3]
Distrik
Die distrik is 2 500 km² groot. Die belangrikste produkte wat verbou word is wol, sybokhaar, bees- en skaapvleis, sitrus en groente.
Uitenhage het in 2001 saam met Port Elizabeth en Despatch deel geword van die Nelson Mandelabaai Metropolitaanse Munisipaliteit.
Noemenswaardige mense
- Allan Hendrickse 'n politikus, prediker en onderwyser.
- John Vorster die sewende Eerste Minister van Suid-Afrika sedert Uniewording
- Enoch Sontonga die komponis van die eerste deel van die Suid-Afrikaanse volkslied (Nkosi Sikelel' iAfrika).
- Deshun Deysel 'n Suid-Afrikaanse bergklimmer en sakevrou wat deel was van die eerste Suid-Afrikaanse ekspedisie na Everest in 1996.
Noemenswaardige diere
- Jack 'n Kaapse bobbejaan, wat 'n mate van roem bereik het as die assistent van 'n gestremde spoorwegseinwagter.
Sien ook
|
Baviaanskloof | Kirkwood 54 km | Addo 45 km |
|
| Hankey 73 km | 
|
Despatch 9 km, Coega | ||
 Uitenhage 
| ||||
| ||||
| Humansdorp 88 km | Skoenmakerskop 44 km | Gqeberha 31 km |
Nota: Afstande per teerpad gemeet[4]
Verwysings
- ↑ 1,0 1,1 1,2 1,3 "Hoofplek Uitenhage". Sensus 2011.
- ↑ "Uitenhage Past and Present", deur W S J Sellick
- ↑ Boereoorlog-standbeeld aan die brand gesteek, Maroela Media, 2 April 2015
- ↑ SA Explorer – Uitenhage afstande
Eksterne skakels
Wikimedia Commons het meer media in die kategorie Uitenhage.
Setel: Port Elizabeth | ||
| Nedersettings | Beachview • Bethelsdorp • Blue Horizon Bay • Colchester • Despatch • iBhayi • KwaNobuhle • Motherwell • New Brighton • Port Elizabeth • Redhouse • Seaview • Skoenmakerskop • Somerstrand • Swartkops • Uitenhage • Van Stadensriviermond | .svg) |
