Gerry Rafferty

in Wikipedia, die vrye ensiklopedie
Gerry Rafferty
Gerry Rafferty tydens 'n konsert in die National Stadium in Dublin, Ierland op 6 September 1980
Agtergrondinligting
Gebore(1947-04-11)11 April 1947
Paisley, Renfrewshire, Skotland, Verenigde Koninkryk
Sterf4 Januarie 2011 (op 63)
Stroud, Gloucestershire, Engeland
GenresPopmusiek
Rockmusiek
Folkmusiek
Soft rock
Blues rock
Beroep(e)Sanger
Liedjieskrywer
Musikant
InstrumenteStem, kitaar, klavier, baskitaar
Jare aktief1966−2011
EtiketteTransatlantic
United Artists
Liberty
London
Avalanche Records
Hypertension
AssosiasiesThe Humblebums, Stealers Wheel, Joe Egan
Webwerfgerryrafferty.com

Gerald "Gerry" Rafferty (* 16 April 1947 in Paisley, Renfrewshire, Skotland; † 4 Januarie 2011 in Stroud, Gloucestershire, Engeland) was 'n Skotse rock-sanger en liedjieskrywer wat internasionale bekendheid verwerf het met sy solotreffers Baker Street, Right Down the Line en Night Owl asook Stuck in the Middle with You, 'n enkelsnit wat hy saam met die groep Stealers Wheel opgeneem het.

Rafferty is in 'n werkersklasgesin in Paisley naby Glasgow gebore. Sy moeder het sy belangsteling vir musiek gewek met die Ierse en Skotse volksliedere wat sy vir hom reeds in sy kinderjare geleer het. Later is hy deur die musiek van The Beatles en Bob Dylan beïnvloed. In 1968 het hy by die folkpop-groep The Humblebums aangesluit. Nadat die groep drie jaar later ontbind is, het Rafferty sy eerste solo-langspeler opgeneem, Can I Have My Money Back?.

In die volgende jaar het hy saam met Joe Egan die groep Stealers Wheel gestig wat sukses behaal het met treffers soos Stuck in the Middle with You en Star. In 1978 het Rafferty sy tweede solo-langspeler City to City opgeneem. Die enkelsnit Baker Street sou sy grootste treffer ooit word. Die inspirasie vir die lied was 'n besoek aan Londen waar Rafferty in die woonstel van 'n vriend, geleë in Baker Street, gebly het. Die musiekvervaardiger Hugh Murphy was allesbehalwe tevrede met die oorspronklike komposisie se oorgange en het die saxofonis Raphael Ravenscroft (1954–2014) aangestel om hulle deur 'n saxofoon-solo te vervang. Murphy se idee was die wenresep vir 'n wêreldtreffer - en het van Ravenscroft een van die mees gesogte pop-saxofoniste ter wêreld gemaak.[1]

Rafferty se latere lewe is deur alkoholisme en depressie oorskadu. Ná die afsterwe van sy ouer broer Joseph 1995 was hy vasgevang in 'n afwaartse spiraal. In November 2010 is hy in die Royal Bournemouth Hospital se kritieke sorgeenheid opgeneem en vir multi-orgaanversaking behandel. Vir 'n kort tyd het dit vir sy dokters geblyk asof hy sou herstel. Op 4 Januarie 2011 is Gerry Rafferty in sy dogter Martha se huis aan lewerversaking oorlede. Sy as op die Skotse eiland Iona gestrooi.

Verwysings[wysig | wysig bron]