Giovanni Brusca

in Wikipedia, die vrye ensiklopedie
Jump to navigation Jump to search
Giovanni Brusca
Giovanni Brusca.jpg
Gebore  20 Februarie 1957 (1957-02-20) (63 jaar oud)
San Giuseppe Jato, Sisilië, Italië
Land  Vlag van Italië Italië
Bynaam  U Verru ("Die Vark")
Lo Scannacristiani ("Die Christenmoordenaar")
Beroep  Mafioso
Misdaadbesonderhede
Misdaad  Mafiabande, verskeie moorde
Beweging  Sisiliaanse Mafia
Vonnisbesonderhede
Vonnisdatum  1996
Vonnis  Lewenslange tronkstraf
(verskeie lewenslange vonnisse)
Status  In aanhouding sedert 1996

Giovanni Brusca (gebore 20 Februarie 1957) is ’n voormalige lid van die Sisiliaanse Mafia. Hy het die anti-Mafiamagistraat Giovanni Falcone in 1992 vermoor en op ’n keer gesê het het tussen 100 en 200 moorde gepleeg, maar kon nie die presiese getal onthou nie. Hy is in absentia tot lewenslange tronkstraf gevonnis, in 1996 in hegtenis geneem en het daarna met die polisie saamgewerk.

Brusca was ’n kort, dikkerige, slordige mafioso met ’n baard, en was in Mafiakringe bekend as "Die Vark" (U Verru in Sisiliaans en Il Porco in Italiaans) of "Die Christenmoordenaar" (Lo Scannacristiani; in Italiaanse dialekte word die term "Christene" dikwels gebruik vir "mense"). Tommaso Buscetta, die Mafia-informant wat in Falcone se ondersoek saamgewerk het, onthou Brusca as "’n wilde perd maar groot leier".[1]

Mafialoopbaan[wysig | wysig bron]

Brusca se pa en oupa was mafiosi. Brusca self het deel van die Corleonesi-moordspan geword wat direk aan Totò Riina‎ gerapporteer het. ’n Voorbeeld van sy wreedheid is die ontvoering van die 11-jarige Giuseppe Di Matteo in November 1993. Die seun se pa, Santino, het in 1992 aan die moord op die magistraat Giovanni Falcone deelgeneem en ná sy arres met die polisie saamgewerk. Die ontvoerders het soos polisiemanne aangetrek en vir die seun gesê hy kan sy pa, wat op die vasteland van Italië aangehou is, gaan sien.[2] In plaas daarvan het hulle hom 26 maande lank aangehou, waartydens hulle hom gemartel en grusame foto's vir sy pa gestuur het in ’n poging om hom te dwing om sy getuienis terug te trek. Die seun is eindelik op Brusca se bevel verwurg[3] en sy lyk is in ’n vaat suur gegooi om te verhoed dat sy familie hom kan begrawe.

Brusca was een van die magtigste Mafialeiers tussen Riina se arres in Januarie 1993 en sy eie in Mei 1996. Hy was betrokke by die terreurveldtog in 1993 teen die staat ná hul aanslag teen Mafialede en Riina se arres. Verskeie toeristeplekke op die vasteland is aangeval; 10 mense is gedood en 71 beseer.[4]

Inhegtenisneming[wysig | wysig bron]

Op 20 Mei 1996 is Brusca op 39-jarige ouderdom in hegtenis geneem.[1][5][6] Hy het die vorige jaar ’n lewenslange vonnis gekry toe hy in absentia skuldig bevind is aan moord. Hy is daarna ook skuldig bevind aan die moord op magistraat Falcone.[7]

Ná sy arres het Brusca met ondersoekers saamgewerk. Sy getuienis was eers óf onbevestigbaar óf vals.[8] Hy het eers in Februarie 1999 die status van ’n volle samewerker gekry, maar is nogtans nie ten volle vertrou nie.

Verwysings[wysig | wysig bron]

  1. 1,0 1,1 "The Pig" is Penned, Time Magazine, 3 Junie 1996
  2. (it) "Uccisero il piccolo Giuseppe Di Matteo", La Repubblica, 16 Januarie 2012
  3. Jamieson, The Antimafia, p. 217
  4. (it) Autobombe del 1993 cronologia dei principali avvenimenti Geargiveer 7 Junie 2007 op Wayback Machine
  5. Italian police arrest the Mafia's 'boss of bosses', The Independent, 21 Mei 1996
  6. Fugitive Mafia Boss Arrested By the Italian Police in Sicily, The New York Times, 22 Mei 1996
  7. Mafia 'Butcher' talks his way out of life behind bars, The Times, 14 Oktober 2004
  8. Backlash threatens to silence informers[dooie skakel], The Independent, 2 Mei 1997

Eksterne skakels[wysig | wysig bron]