Grieks-Ortodokse Kerk van Antiogië

in Wikipedia, die vrye ensiklopedie
Grieks-Ortodokse Kerk van Antiogië
’n Grieks-Ortodokse kerk in Hama, Sirië.
’n Grieks-Ortodokse kerk in Hama, Sirië.
Moederkerk Patriargaat van Antiogië
Stigtingsjaar 1724
Stigter Petrus
Status Outokefaal
Kerkleiding
Hoof Johannes X
Hoof se titel Patriarg van Antiogië en die Hele Ooste
Setel Damaskus, Sirië
Besonderhede
Liturgie Bisantyns
Liturgiese taal   Arabies, Grieks, Turks, Engels
Kalender Hersiene Juliaanse kalender
Gelowiges 500 000
Webtuiste
http://antiochpat.org

Die Grieks-Ortodokse Kerk van Antiogië (Grieks: Πατριαρχεῖον Ἀντιοχείας, Patriarcheîon Antiocheías; Arabies: بطريركية أنطاكية وسائر المشرق للروم الأرثوذكس), ook bekend as die Grieks-Ortodokse Patriargaat van Antiogië en die Hele Ooste, is ’n outokefale, administratief selfregerende Oosters-Ortodokse Kerk wat in volle gemeenskap met die ander Oosters-Ortodokse kerke is. Die primaat van die kerk het die titel Patriarg van Antiogië en die Hele Ooste.

Die Kerk beskou homself as die opvolger van die Christelike gemeenskap in Antiogië wat deur die apostel Petrus gestig is. Dit is een van verskeie kerke wat daarop aanspraak maak dat dit die amptelike kerk van die antieke bisdom van Petrus en Paulus is. Die ander is die Siries-Ortodokse Kerk van Antiogië (Oriëntaal-Ortodoks), asook die Siries-Katolieke Kerk, die Maronitiese Kerk en die Melkities-Grieks-Katolieke Kerk. Laasgenoemde drie kerke is almal Oosters-Katolieke kerke, maar hulle erken mekaar se patriargate.

Die setel van die Oosters-Ortodokse Kerk was voorheen Antiogië (nou in Turkye), maar is in die 14de eeu na Damaskus in die hedendaagse Sirië geskuif. Die Kerk se tradisionele gebied sluit in Sirië, Libanon, Iran, Irak, Koeweit en dele van Turkye. Die Kerk van Siprus het ook voorheen onder die Kerk geval, totdat dit in 431 outokefaal geword het.

Sien ook[wysig | wysig bron]

Skakels[wysig | wysig bron]