Groot Basaar (Istanboel)
Die Groot Basaar (Turks: Kapalıçarşı, "onderdak-basaar") in Istanboel, Turkye, is een van die grootste en oudste onderdak-markte in die wêreld. Dit het 58 onderdak-strate en meer as 1 200 winkels wat daagliks tussen 250 000 en 400 000 besoekers lok. Dit is in 1461 geopen en is bekend vir sy juweliers-, pottebakkers-, spesery- en tapytwinkels. Baie van die stalletjies is gegroepeer volgens soort, met spesiale dele vir bv. leerbaadjies, goue juweliersware, ens.
Die aanvanklike basaar is tussen 1455 en 1461 gebou op las van sultan Mehmet die Veroweraar. In die 16de eeu, tydens die bewind van sultan Süleyman die Manjifieke, is dit baie uitgebrei en in 1894 het dit groot restourasiewerk ondergaan ná ’n aardbewing.
Die basaar het vier hoofhekke aan die eindpunte van die twee grootste strate wat naby die suidwestelike hoek van die basaar kruis. Een straat verbind die Bajezid II-moskee en -plein met die Nuruosmaniye-moskee.
Verwysings
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:Grand Bazaar, Istanbul
- Archnet Digital Library – Covered Bazaar Geargiveer 25 Mei 2006 op Wayback Machine
- Let's Go Istanbul – Istanbul Covered Bazaar
- Turkish Culture Portal – Grand Bazaar in Istanbul
Eksterne skakels
[wysig | wysig bron]
Wikimedia Commons het meer media in die kategorie Groot Basaar (Istanboel).- http://www.thegrandbazaaronline.com/ Geargiveer 5 Januarie 2014 op Wayback Machine
- Nog ’n webtuiste
- Tapytwinkels
