See van Marmara

in Wikipedia, die vrye ensiklopedie
Spring na: navigasie, soek
’n Kaart van die See van Marmara.
’n Foto van die see uit die ruimte (STS-40, 1991). Die see is die liggroen watermassa.

Die See van Marmara of Marmora (Turks: Marmara Denizi) is die binnelandse see wat die Swartsee met die Egeïese See verbind en Turkye in ’n Europese en Asiatiese deel verdeel. Die Bosporus verbind dit met die Swartsee en die Dardanelle met die Egeïese See. Eersgenoemde seestraat verdeel Istanboel ook in ’n Europese en Asiatiese kant. Die See van Marmara het ’n oppervlakte van sowat 11 350 km² (280 km x 80 km)[1] en ’n diepte van tot 1 370 m.

Geografie[wysig]

Die soutgehalte van die see is gemiddeld sowat 22 dele per 1 000, wat effens meer is as dié van die Swartsee, maar net omtrent twee derdes van dié van die meeste oseane. Op die seebodem is die water souter – sowat 38 dele per 1 000. Water van verskeie riviere, meestal van Anatolië, verminder die soutgehalte.

Daar is twee groot eilandgroepe in die see, die Prinse- en die Marmara-eilande. Die kus is getand en ’n paar golwe kom daar voor, soos die Golf van Izmit.

Tydens ’n storm op 29 Desember 1999 het die Russiese olietenkskip Wolgoneft in die See van Marmara middeldeur gebreek en 1 500 ton olie in die water gestort.

Die Noord-Anatoliese breuk, wat al baie groot aardbewings veroorsaak het, soos die Izmit-aardbewing van 1999, loop onder die see.

Naam[wysig]

Die see is genoem na die eiland Marmara, wat ryk aan marmer is, van die Griekse woord μάρμαρον (marmaron, "marmer")[2].

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]
  1. Sea of Marmara
  2. Marmaron, Henry George Liddell, Robert Scott, A Greek-English Lexicon, at Perseus

Eksterne skakels[wysig]

Commons-logo.svg
Wikimedia Commons het meer media verwant aan:
See van Marmara (kategorie)
Belangrikste bakens van Istanboel
Aya SophiaBeyazıt-toringBlou MoskeeBosporusBosporus-brugDolmabahçe-paleisFatih Sultan Mehmet-brugGalata-toringGoue HoringGroot BasaarHippodroom van KonstantinopelMaagdetoringMure van KonstantinopelNuwe MoskeePrinse-eilandeSee van MarmaraSüleymaniye-moskeeTaksim-pleinTopkapı-paleis