Groot Paleis van Bangkok

in Wikipedia, die vrye ensiklopedie
Jump to navigation Jump to search
Die Groot Paleis van Bangkok, soos gesien vanaf die oorkant van die Chao Phrayarivier.

Die Groot Paleis (Thai: พระบรมมหาราชวัง, Phra Borom Maha Ratcha Wang[1]) is 'n gebouekompleks in die hartjie van Bangkok, Thailand. Die paleis is sedert 1782 die amptelike woning van die konings van Siam en later Thailand. Die koning, sy hof en sy regering was tot in 1925 in die paleis gestasioneer. Koning Bhumibol Adulyadej (Rama IX) het in die Dusit-paleis gewoon en sy opvolger, koning Maha Vajiralongkorn (Rama X), woon ook daar, maar die Groot Paleis word steeds gebruik vir amptelike geleenthede. Verskeie koninklike seremonies en staatsfunksies word elke jaar daar gehou. Die paleis is een van die gewildste toeriste-attraksies in Thailand.

Geskiedenis en uitleg[wysig | wysig bron]

Bouwerk aan die paleis het op 6 Mei 1782 begin op bevel van Rama I, die stigter van die Chakri-dinastie, toe hy die hoofstad van Thonburi na Bangkok geskuif het. Deur volgende konings se bewind is baie nuwe geboue en strukture bygevoeg, veral tydens die bewind van Rama V. Teen 1925 het die koning en sy gesin na ander wonings geskuif. Ná die afskaffing van die absolute monargie in 1932 het alle regeringsagentskappe uit die paleis geskuif.

Die paleis is rofweg reghoekig, word deur mure omring en is altesaam 218 400 m2 groot. Dit staan aan die oewers van die Chao Phrayarivier. Dit is nie 'n enkele struktuur nie, maar bestaan uit talle geboue, sale, pawiljoene, tuine en howe. Die asimmetriese en elektiese styl is danksy aanbouings en herbouings deur verskillende konings oor 'n tydperk van 200 jaar. Dit word in verskillende seksies verdeel: die Tempel van die Smarag Boeddha; die Buitehof, met baie openbare geboue; die Middelhof, insluitende die Phra Maha Monthien-, Phra Maha Prasat- en Chakri Maha Prasat-geboue; die Binnehof; en die Siwalai-tuin. Die Groot Paleis is deesdae gedeeltelik vir die publiek oop, maar dit bly 'n werkende paleis, met verskeie koninklike kantore.

Konings van die
Chakri-dinastie
Buddha Yodfa Chulaloke portrait.jpgPhra Buddha Yodfa Chulaloke
(Rama I)
Buddha Loetla Nabhalai portrait.jpgPhra Buddha Loetla Nabhalai
(Rama II)
Nangklao portrait.jpgNangklao
(Rama III)
Rama4 portrait (cropped).jpgMongkut
(Rama IV)
King Chulalongkorn.jpgChulalongkorn
(Rama V)
King Vajiravudh.jpgVajiravudh
(Rama VI)
Prajadhipok portrait.jpgPrajadhipok
(Rama VII)
King Ananda Mahidol portrait photograph.jpgAnanda Mahidol
(Rama VIII)
นายกรัฐมนตรี และภริยา เฝ้าฯ รับเสด็จ สมเด็จพระเทพรัตนร - Flickr - Abhisit Vejjajiva (14).jpgBhumibol Adulyadej
(Rama IX)
Portrait of King Rama X.jpgMaha Vajiralongkorn
(Rama X)
Kaart van die Groot Paleis
Plan of the Grand Palace, Bangkok (with labels).svg
  1. Tempel van die Smarag Boeddha
  2. Kantoor van die koninklike huishouding
  3. Koningin Sirikit-tekstielmuseum
  4. Sala Luk Khun Nai
  5. Sala Sahathai Samakhom
  6. Museum van die Samarag-Boeddhatempel
  7. Pawiljoen van embleme, dekorasies en munte
  8. Phra Thinang Amarin Winitchai
  9. Phra Thinang Phaisan Thaksin
  10. Phra Thinang Chakraphat Phiman
  11. Phra Thinang Dusidaphirom
  12. Phra Thinang Racharuedee
  13. Phra Thinang Sanam Chan
  14. Ho Sastrakhom
  15. Ho Sulalai Phiman
  16. Ho Phra That Montien
  17. Phra Thinang Chakri Maha Prasat
  18. Phra Thinang Moon Satharn Borom Ard
  1. Phra Thinang Sommuthi Thevaraj Uppabat
  2. Phra Thinang Borom Ratchasathit Mahoran
  3. Phra Thinang Dusit Maha Prasat
  4. Phra Thinang Phiman Rattaya
  5. Phra Thinang Aphorn Phimok Prasat
  6. Phra Thinang Rachakaranya Sapha
  7. Ho Plueang Khrueang
  8. Mount Kailasa
  9. Siwalai-tuin
  10. Phra Thinang Boromphiman
  11. Phra Thinang Mahisorn Prasat
  12. Phra Thinang Siwalai Maha Prasat
  13. Phra Thinang Sitalaphirom
  14. Phra Buddha Rattanasathan
  15. Phra Thinang Chai Chumpol
  16. Phra Thinang Suthaisawan Prasat
  17. Binnehof

Verwysings[wysig | wysig bron]

  1. Royal Institute of Thailand. (2011). How to read and how to write. (20ste uitgawe). Bangkok: Royal Institute of Thailand. ISBN 978-974-349-384-3.

Skakels[wysig | wysig bron]