Guillermo del Toro

in Wikipedia, die vrye ensiklopedie
Jump to navigation Jump to search
Guillermo del Toro
'n Beeld van die betrokke persoonlikheid.
Del Toro in 2015.

Geboortenaam Guillermo del Toro Gómez[1]
Geboorte 9 Oktober 1964 (1964-10-09) (54 jaar oud)
Guadalajara, Jalisco, Mexiko
Beroep(e) Regisseur, vervaardiger, skrywer
Aktiewe jare 1985–tans
Internet-rolprentdatabasis-profiel

Guillermo del Toro Gómez (gebore 9 Oktober 1964) is ’n Mexikaans-Amerikaanse regisseur, vervaardiger en skrywer. In sy rolprentloopbaan wissel Del Toro tussen Spaanse donkerfantasiewerke, soos die gotiese rilfliek The Devil's Backbone (2001) en Pan's Labyrinth (2006), en Amerikaanse hoofstroom-aksieflieks soos die superheld-aksieprente Blade II (2002), Hellboy (2004) en Hellboy II: The Golden Army (2008) en die wetenskapsfiksie-monsterprent Pacific Rim (2013).

Sy jongste fliek, The Shape of Water (2017), is goed ontvang – dit het ’n Goue Leeu op die 74ste Venesiese Rolprentfees gewen asook twee pryse op die 75ste Golden Globe-toekenningsaand, insluitende vir hom as beste regisseur. Dit is die prent wat vanjaar vir die meeste Golden Globes benoem was: altesaam sewe.

Ander werk[wysig | wysig bron]

Benewens die flieks wat hy regisseer, het hy ook al talle prente vervaardig: onder meer The Orphanage (2007), Julia's Eyes (2010), Biutiful (2010), Kung Fu Panda 2 (2011), Puss in Boots (2011) en Mama (2013). Hy is oorspronklik as regisseur vir die Hobbit-rolprentreeks gekies. Hy het die projek verlaat weens produksieprobleme, maar het steeds erkenning as medeskrywer gekry vir sy bydraes tot die draaiboek.

Del Toro se werk word gewoonlik gekenmerk deur ’n sterk verband tussen feëverhale en rillers, asook ’n poging tot visuele of poëtiese skoonheid.[2] Hy word sy lewe lank al deur monsters betower en beskou hulle as simbole van groot mag.[3] Hy gebruik graag insekagtige en godsdienstige beelde, die temas Katolisisme en die viering van onvolmaaktheid, praktiese spesiale effekte en geelbruin beligting.[4][5]

Hy en twee ander Mexikaanse rolprentvervaardigers, Alfonso Cuarón en Alejandro González Iñárritu, is saam bekend as "Die Drie Amigo's" van die rolprentbedryf.[6]

Pryse en benoemings[wysig | wysig bron]

Van Del Toro se belangrikste pryse en benoemings is:

Oscars[wysig | wysig bron]

Jaar Werk Kategorie Uitslag
2007 Pan's Labyrinth Beste oorspronklike draaiboek Benoem
Beste buitelandse rolprent Benoem

Baftas[wysig | wysig bron]

Jaar Werk Kategorie Uitslag
2007 Pan's Labyrinth Beste oorspronklike draaiboek Benoem
Beste rolprent in ’n ander taal as Engels Gewen
2018 The Shape of Water Beste regie In afwagting
Beste oorspronklike draaiboek In afwagting

Golden Globes[wysig | wysig bron]

Jaar Werk Kategorie Uitslag
2018 The Shape of Water Beste regisseur Gewen
Beste dramaprent Benoem
Beste draaiboek Benoem

Cannes-rolprentfees[wysig | wysig bron]

Jaar Werk Kategorie Uitslag
1993 Cronos Mercedes-Benz-prys Gewen
2006 Pan's Labyrinth Palme d'Or Benoem

Filmografie[wysig | wysig bron]

  • Cronos (1993)
  • Mimic (1997)
  • The Devil's Backbone (2001)
  • Blade II (2002)
  • Hellboy (2004)
  • Pan's Labyrinth (2006)
  • Hellboy II: The Golden Army (2008)
  • Pacific Rim (2013)
  • Crimson Peak (2015)
  • The Shape of Water (2017)

Verwysings[wysig | wysig bron]

  1. "Guillermo del Toro cumple 48 años en espera de El Hobbit". Informador. 8 Oktober 2012. Besoek op 26 November 2013. 
  2. Gorber, Jason (15 Januarie 2013). “Gorber's Epic Guillermo del Toro Interview, Part 2: On Producing and Building a Canon of Work”. twitchfilm.com. URL besoek op 17 Januarie 2013.
  3. Guillermo del Toro (22 September 2010). “Monsters Are Living, Breathing Metaphors”. bigthink.com. Big Think. URL besoek op 17 Januarie 2013.
  4. Dissection of Darkness”. lexpiccione.com. URL besoek op 17 Januarie 2013.
  5. Whitty, Stephen (7 Julie 2013). “Guillermo del Toro on Pacific Rim, monsters, Hollywood and other horrors”. nj.com. URL besoek op 7 Julie 2013.
  6. Thompson, Anne (24 September 2006). “Three amigos change face of Mexican film”.

Eksterne skakels[wysig | wysig bron]