HD 209458

in Wikipedia, die vrye ensiklopedie
Jump to navigation Jump to search
HD 209458
Emoji u2b55.svg
Die ligging van HD 209458 in die Vlieënde Perd (in die rooi sirkel).
Sterrebeeld Vlieënde Perd
Spektraaltipe G0V[1]
Waarnemingsdata (Epog J2000)
Regte klimming 22h 03m 10,8s[1]
Deklinasie +18° 53′ 04″[1]
Skynmagnitude (m) 7,65[1]
Absolute magnitude (M) 4,28 ±0,10[2]
B-V-kleurindeks  +0,574 ±0,014[2]
Besonderhede
Massa (M) 1,13 -0,02+0,03[3]
Radius (R) 1,14 -0,05+0,06[3]
Ligsterkte (L) 1,61
Ouderdom (jaar) (4 ± 2) × 109[2]
Temperatuur (K) 6 000 ±50[2]
Afstand (ligjaar) 154
Metaalinhoud [Fe/H] 0,00 ±0,02[2]
Eienskappe
Veranderlikheid EP[4]
Planete 1
Ander name
BD +18°4917, SAO 107623, V376 Peg, HIP 108859
Portaal  Portaalicoon   Sterrekunde

HD 209458 is ’n ster in die sterrebeeld Vlieënde Perd met ’n skynbare magnitude van sowat 7,65. Dit is ’n tipe G0V-ster en dus soortgelyk aan die Son. Omdat dit sowat 150 ligjare van die Aarde af is, is dit nie met die blote oog sigbaar nie maar wel met ’n goeie verkyker of klein teleskoop.[1]

HD 209458.

In 1999 het twee spanne wat onafhanklik van mekaar gewerk het, ’n eksoplaneet om die ster ontdek met behulp van die radialesnelheidsmetode. Kort daarna het twee aparte spanne ’n oorgang van die planeet met sy ster waargeneem. Dit was die eerste bekende oorgangsplaneet buite die sonnestelsel.[5] Dit het die naam HD 209458 b gekry.

Omdat die planeet voor die ster verbybeweeg soos van die Aarde af gesien, verdof die ster elke 3,5 dae met sowat 2%; dit is dus ’n ekstrinsieke veranderlike. Sy naam as veranderlike ster is V376 Pegasi. Dit is die prototipe van klas "EP" in die General Catalogue of Variable Stars – dit is sterre wat deur hul planete verduister word.[4][6]

Planeetstelsel[wysig | wysig bron]

HD 209458 b is ’n eksoplaneet wat om die ster wentel. Spektroskopiese studies het op 5 November 1999 die eerste keer die teenwoordigheid van ’n planeet aangedui. Die planeet word nou nog skerper waargeneem vandat dit bekend geword het sy atmosfeer bevat dalk waterdamp. Travis Barman van die Lowell-sterrewag in Flagstaff, Arizona, het die emissiespektrum van die planeet ondersoek en hy glo daar is water in die atmosfeer,[7] hoewel vorige studies[8] daarop gedui het dat die atmosfeer hoofsaaklik uit silikaatwolke bestaan.

Die HD 209458-stelsel
Planeet of skyf
(vanaf ster)
Massa Semi-hoofas
(AE)
Wentelperiode
(dae)
Eksentrisiteit Baanhelling
(°)
Radius
b 0,045 3,52474541 ± 0,00000025 0,00

Verwysings[wysig | wysig bron]

  1. 1,0 1,1 1,2 1,3 1,4 "SIMBAD query result: V* V376 Peg -- Variable Star". Centre de Données astronomiques de Strasbourg. Besoek op 2009-05-17. 
  2. 2,0 2,1 2,2 2,3 2,4 Tsevi Mazeh (2000). “The Spectroscopic Orbit of the Planetary Companion Transiting HD 209458”. The Astrophysical Journal 532 (1): L55–L58. doi:10.1086/312558.
  3. 3,0 3,1 Takeda (2007). “Structure and Evolution of Nearby Stars with Planets. II. Physical Properties of 1000 Cool Stars from the SPOCS Catalog”. The Astrophysical Journal Supplement Series 168 (2): 297–318. doi:10.1086/509763.
  4. 4,0 4,1 "GCVS query result: V376 Peg". General Catalog of Variable Stars. Sternberg-sterrekunde-instituut, Moskou, Rusland. Besoek op 2009-05-17. 
  5. Charbonneau (2000). “Detection of Planetary Transits Across a Sun-like Star”. The Astrophysical Journal Letters 529 (1): L45–L48. doi:10.1086/312457.
  6. Samus, N. N. (2009). "GCVS Variability Types and Distribution Statistics of Designated Variable Stars According to their Types of Variability". Besoek op 2010-08-02. 
  7. Barman (2007). “Identification of Absorption Features in an Extrasolar Planet Atmosphere”. The Astrophysical Journal Letters 661 (2): L191–L194. doi:10.1086/518736.
  8. L. J. Richardson (2007). “A spectrum of an extrasolar planet”. Nature 445 (7130): 892–895. doi:10.1038/nature05636.

Eksterne skakels[wysig | wysig bron]

Koördinate: Sky map 22h 03m 10.8s, 18° 53′ 04″