HMS Ark Royal (R07)

in Wikipedia, die vrye ensiklopedie
Jump to navigation Jump to search


HMS Ark Royal (R07) was 'n ligte vliegdekskip en voormalige vlagskip van die Britse Vloot. Hy was die derde en laaste skip van die Invincible-klas. Hy is deur Swan Hunters gebou op die Tynerivier en in 1981 daar te water gelaat.

Ark Royal tydens 'n amfibiese oefening in Amerika

Ark Royal is vernoem deur Koningin Elizabeth (Die Koninginmoeder). Hy volg sy susterskepe HMS Invincible (R05) en HMS Illustrious op in diens in 1985. Ook bekend as The Mighty Ark, was hy die vyfde Britse vlootskip wat die naam gedra het van die 1587-vlagskip wat die Spaanse Armada verslaan het in 1588. Oorspronklik sou hy Indomitable gedoop gewees het om by die res van die klas aan te pas, maar dit is verander as gevolg van die openbare reaksie oor die verlies van die Ark Royal-naam ná die afskaffing van die vorige Ark Royal in 1980, ná 30 jaar se diens.

Ark Royal was bietjie groter as sy susterskepe, met 'n steiler ski-oprit, en het die STOVL (kort opstyg en vertikale landing) Harrier Jump Jet vliegtuie, asook verskeie helikopters, gedra.

Met 'n bemanning van meer as 1 000 matrose en lugmanne, was hy in operasionele diens in die Bosniese oorlog in 1990 en die inval van Irak in 2003. Oorspronklik sou hy tot 2016 dien, maar Ark Royal is uit diens gestel op Vrydag 11 Maart 2011, as deel van die vloot se herstruktureringsgedeelte van die 2010 Strategiese Verdediging en Sekuriteitsoorsig. Na Ark Royal (R07) se aflegging het HMS Albion hom vervang as die Britse Vloot se vlagskip.

Die voormalige kaptein van HMS Ark Royal en HMS Illustrious, kommodoor Jerry Kyd, het die bevelvoerder van die nuwe Britse Vlootvliegdekskip, die HMS Queen Elizabeth op 27 Februarie 2014 geword.[1]

Verwysings[wysig | wysig bron]

  1. "Royal Navy Appoints First Captain of HMS Queen Elizabeth". Royal Navy. 27 Februarie 2014. Besoek op 27 Februarie 2014. 
Hierdie artikel is in sy geheel of gedeeltelik vanuit die Engelse Wikipedia vertaal.