Haggis

in Wikipedia, die vrye ensiklopedie
Spring na: navigasie, soek

Scotland Haggis.jpg

Haggis

Die nasionale gereg van
Vlag van Skotland Skotland



Tipe gereg

Vleispoeding


Hoofbestanddele

Hart, lewer, long en pens van 'n skaap (of worsderm); uie, hawermeel, niervet, speserye

Haggis is 'n tradisionele geurige Skotse vleisgereg bestaande uit die fyngemaalde harslag van 'n skaap (hart, lewer en long), met uie, hawermeel, niervet, speserye, peper en sout as smaakmiddels. Die hawermeel gee aan Haggis 'n ietwat swaarder tekstuur as wors. Die vleisvulsel word met vleissop vermeng, in 'n skaappens geplaas, toegevou en sowat drie ure lank gekook. Industrieel vervaardigde haggis, soos dit in supermarkte aangebied word, word eerder in 'n worsderm as 'n skaappens berei.

Die Engelse 2001-uitgawe van Larousse Gastronomique gee 'n treffende beskrywing van die gereg: "Alhoewel sy beskrywing nie sommer aantreklik klink nie, het Haggis 'n uitstekende neutagtige tekstuur met 'n lekker geurige smaak."

Danksy die gedig Address to a Haggis, wat deur Robert Burns, Skotland se nasionale digter, in 1787 geskryf is, word Haggis as die nasionale gereg van Skotland beskou. Dit word tradisioneel met neeps and tarties (Skots: raap en aartappels) bedien, waarby die groente gekook en apart van mekaar fyngestamp word, en 'n dram ('n glas Skotse whisky), veral as die hoofgereg van 'n sogenaamde Burns-aandete.

Commons-logo.svg
Wikimedia Commons het meer media verwant aan:
Haggis (kategorie)