Hannes Visser

in Wikipedia, die vrye ensiklopedie
Jump to navigation Jump to search

Hannes Visser is 'n Afrikaanse digter. Visser het 'n onderwysdiploma behaal en het in Roodepoort, Gauteng sy eerste onderwyspos bekleë. In 2009 het hy saam met elf ander digters die bundel Boksemdais 2 uitgegee. Sewe van sy gedigte verskyn in 2017 in Nuwe Stemme 6, uitgegee deur NB Uitgewers. Hy het al verskeie pryse by die Bloemfonteinse skrywersvereniging se landwye kompetisies gewen. In 2013 het hy eersteprys in die kortverhaalafdeling gewen, sowel as tweedeprys in die poësie-afdeling. In 2017 wen hy tweedeprys in die prosa-afdeling – kortverhale, en in 2018 die eersteprys in die poësie-afdeling in dieselfde landwye kompetisie. Hy is tans die redakteur van die Oudtshoorn Courant en die skrywer van die digbundel Die jaar toe pa, wat in 2019 deur Naledi Uitgewers uitgegee word.[1] Visser bied werksessies in kreatiewe skryfwerk en digkuns aan. Hy is ook 'n geakkrediteerde lewensaftrigter en Neuro-linguistiese programmering (NLP) -praktisyn. Hy tree op as motiveringspreker, doen voorlesings en gesprekke wat soms gepaardgaan met musiek gelewer deur die Oudtshoorn-musikant, Marisca Rain. Resensies van Die jaar toe pa... het reeds op Litnet, Versindaba en Woorde wat Weeg van Joan Hambidge verskyn. Visser het die uitgewery, Turksvy Publikasies, in 2020 saam met Marlene Malan, 'n joernalis en taalversorger, op die been gebring. Die uitgewery het in Febraurie 2021 met 'n projek begin om 'n digbundel saam te stel met gedigte van gevestigde sowel as opkomende digters wat spesifiek oor die Covid-19-pandemie handel. Die bundel, Maskers en mure met 142 digters se werk, is in samewerking met die Klein Karoo Nasionale Kunstefees (KKNK) en met ondersteuning van die Wes-Kaapse departement van kultuursake en sport, ATKV, ABSA en Jannie Mouton Stigting uitgegee. Die bundel is in Junie 2021 deur die KKNK bekendgestel. Die digter Daniel Hugo was die hoofkeurder en mede-samesteller van die bundel saam met die digter, Francois de Jongh. Visser het 'n voorliefde vir kortverhale en het as deel van Turksvy Publikasies se bydrae tot die ontwikkeling van skrywers, 'n skryfkursus saamgestel wat op die kortverhaalkuns fokus.

Verwysings[wysig | wysig bron]