Haw Phra Kaew
Haw Phra Kaew (Lao: ຫໍພຣະແກ້ວ), ook gespel Ho Prakeo, Hor Pha Keo en op verskeie ander maniere, is 'n voormalige tempel in Vientiane, Laos. Dit is in 1565 die eerste keer gebou om die Smarag Boeddha te huisves, maar is verskeie kere herbou. Dit bevat nou 'n museum van godsdienskuns en 'n klein winkel.[1]
Geskiedenis[wysig | wysig bron]
_(2).jpg)
Haw Phra Kaew is in 1565-1566 gebou op bevel van koning Setthathirath nadat hy die hoofstad van Luang Prabang na Vientiane geskuif het.[2] Dit is gebou op die terrein van die koninklike paleis om die beeld van die Smarag Boeddha te huisves wat Setthathirath van Chiang Mai, toe die hoofstad van Lanna, na Luang Prabang gebring het. Die tempel is gebruik as Setthathirath se persoonlike aanbiddingsplek en daarom was daar geen inwonende monnike soos in ander tempels in Laos nie.[1]
Die Smarag Boeddha het meer as 200 jaar in die tempel gestaan, maar in 1779 is Vientiane binnegeval deur die Siamese generaal Buddha Yodfa Chulaloke (wat die huidige Chakri-dinastie van Thailand gestig het). Die beeld is na Thonburi geneem en die tempel vernietig. Die Boeddhabeeld staan nou in die Wat Phra Kaew in Bangkok en word beskou as die beskermingsbeeld van Thailand.
Die tempel is in 1816 deur koning Anouvong laat herbou, met 'n nuwe beeld wat gemaak is in die plek van die Smarag Boeddha.[3] Die tempel is in 1828 egter weer vernietig toe koning Anouvong teen Siam in opstand gekom het in 'n poging om volle onafhanklikheid te kry. Siamese magte het Vientiane uit weerwraak tot op die grond afgebreek. Die Franse het die tempel tussen 1936 en 1942 herbou tydens die koloniale tydperk van Frans-Indo-China. In die 1970's is die tempel van 'n aanbiddingsplek in 'n museum omskep.[1] Dit is in 1993 weer gerestoureer.[4]
Uitstallings[wysig | wysig bron]
Haw Phra Kaew is nou 'n museum en bevat van die beste voorbeelde van Laosiaanse godsdienskuns. 'n Aantal Boeddhas word op die terras uitgestal, insluitende klipbeelde uit die 6de tot 9de eeu, en bronsbeelde wat staan of sit uit latere tydperke.[5]
Die gebou staan in 'n ontwerpte tuin en van die items wat daarin uitgestal word, is 'n 2 000 jaar oue klipkruik uit die Kruikvlakte van Laos.[6]
Galery[wysig | wysig bron]
_(4346162162).jpg)
Verwysings[wysig | wysig bron]
- ↑ 1,0 1,1 1,2 "Vientiane Municipality". Amptelike webtuiste van Lao Tourism. Geargiveer vanaf die oorspronklike op 26 Oktober 2013. Besoek op 2 Desember 2012.
- ↑ Andrew Burke, Justine Vaisutis (2007). Laos. Lonely Planet. p. 95. ISBN 978-1741045680.
{{cite book}}: AS1-onderhoud: gebruik authors-parameter (link) - ↑ Marc Askew; Colin Long; William Logan (2006). Vientiane: Transformations of a Lao landscape. Taylor & Francis Ebooks. ISBN 9781134323647.
- ↑ "Ho Phra Keo". Old Stones.
- ↑ Andrew Burke, Justine Vaisutis (2007). Laos. Lonely Planet. p. 95. ISBN 978-1741045680.
{{cite book}}: AS1-onderhoud: gebruik authors-parameter (link) - ↑ "Haw Phra Kaew". Renown Travel.
Skakels[wysig | wysig bron]
- Hor Pha Keo-museum Geargiveer 10 September 2015 op Wayback Machine
Wikimedia Commons het meer media in die kategorie Haw Phra Kaew.
Hierdie artikel is in sy geheel of gedeeltelik uit die Engelse Wikipedia vertaal.
Koördinate: 17°57′41″N 102°36′42″O / 17.96139°N 102.61167°O