Hawker Siddeley Nimrod

in Wikipedia, die vrye ensiklopedie
Hawker Siddeley Nimrod
Hawker Siddeley Nimrod MR2
Tipe Maritieme verkenning
Vervaardiger Hawker Siddeley
BAE Systems
Nooiensvlug 23 Mei 1967
Onttrek 28 Junie 2011
Status Uit diens gestel
Hoofgebruiker Britse Lugmag
Aantal gebou 49 + 2 prototipes
Ontwikkel van De Havilland Comet

Die Hawker Siddeley Nimrod was 'n Britse maritieme verkenningsvliegtuig. Ontwerp aan die vliegtuig het in 1964 begin met die doel om die verouderde Avro Shackletons te vervang. Die ontwerp van die romp se raamwerk was gebaseer op die De Havilland Comet. 'n Stoorplek van 15,8 m³ onder die romp vir wapens en elektroniese toerusting skep die indruk van 'n dubbeldekkerromp.

Die Britse regering het in 1965 toestemming verleen vir die projek om voort te gaan en twee prototipes, wat omskep is van die Comet, het reeds in 1967 gevlieg. Die eerste prototipe het sy nooiensvlug op 23 Mei 1967 onderneem en die produksiemodelle is in 1969 in diens gestel. Die Nimrod se ontwerp was rewolusionêr vir sy tyd aangesien patrollievliegtuie turboskroefmotore gebruik het.

Die Nimrod doen die volgende take: seeoppervlakverkenning, anti-skeeps en anti-duikboot oorlogvoering. In die anti-duikboot rol kan duikbote die vibrasies wat turboskroefmotore het bespeur, terwyl die Nimrod se straalmotore feitlik onbespeurbaar is. Die vliegtuig kan 'n verskeidenheid wapens dra: Stingray-torpedo's, Harpoon anti-skip missiel en Sidewinder infrarooimissiel vir selfverdediging of aanval. Dit kan ook sy eie chaff (metaalstrokies) en fakkels dra as verdediging teen inkomende missiele.

In die vroeë 1980's is die vliegtuig opgradeer na tipe MR2 deur die verkenningstoerusting te verbeter en op te gradeer.

Operasionele diens[wysig | wysig bron]

Die Nimrod het in die Falklandoorlog en beide die Golfoorlog en Irakse Oorlog diens gedoen. Tydens die Falklandoorlog het 'n hervulkoppeling standaardtoerusting geword.

Die MR4 model sou feitlik 'n nuwe vliegtuig gewees het maar is gekanselleer weens hoê koste en vertragings. In die 1970's was drie Nimrods opgradeer na R1 modelle. Al die verkenningstoerusting is verwyder en die vliegtuig is toegerus met elektroniese afluistertoerusting.

Tegniese besonderhede[wysig | wysig bron]

Besonderhede van die Hawker Siddeley Nimrod MR2:
Item Statistiek
Aantal motore 4
Tipe motor Straalmotor
Vervaardiger Rolls-Royce turbowaaier
Kraglewering per motor 5 511 kg stukrag
Vlerkspan 35,0 m
Lengte 38,63 m
Hoogte 9,05 m
Vlerkoppervlakte 197,0 m2
Maks. opstygmassa 80 585 kg
Maks. snelheid 926 km/h
Operasionele hoogte 12 810 m
Togafstand 8 045 km
Klimvermoë Onbekend
Bewapening Maksimum bomvrag van 6 129 kg
insluitend Harpon anti-skip
en Sidewinder missiele

Bron[wysig | wysig bron]