Hebreeuse Universiteit van Jerusalem

in Wikipedia, die vrye ensiklopedie
Jump to navigation Jump to search
Hebreeuse Universiteit van Jerusalem

Gestig:24 Julie 1918
Tipe:Openbare universiteit
Befondsing:Amerikaanse dollar471 miljoen (2015)[1]
President:Asher Cohen
Rektor:Barak Medina
Studentetal:23 000
Voorgraadse studente:12 500
Nagraadse studente:5 000
Doktorale studente:2 200
Ligging:Jerusalem & Rehovot
Kampus:Stedelik
Bynaam:HUJI
Webtuiste:huji.ac.il

Die Hebreeuse Universiteit van Jerusalem (Hebreeus: הַאוּנִיבֶרְסִיטָה הַעִבְרִית בְּיְרוּשָׁלַיִם, Ha-Universita ha-Ivrit bi-Yerushalayim; Arabies: الجامعة العبرية في القدس‎, Al-Jami'ah al-Ibriyyah fi al-Quds; afgekort tot HUJI) is Israel se tweede oudste universiteit, met 'n hoeksteen wat in 1918 gelê is, te wete dertig jaar voor die totstandkoming van die Staat van Israel. Toe die instelling sy deure op 1 April 1925 geopen het, was dit nog 'n navorsingsentrum, maar reeds drie jaar later is met 'n onderrigprogram begin.

Die Hebreeuse Universiteit het drie kampusse in Jerusalem en een in Rehovot[2] Die wêreld se grootste biblioteek van Joodse studies is geleë op die universiteit se Edmond J. Safra Givat Ram kampus.

Die universiteit het vyf geaffilieerde onderrig-hospitale, insluitende die Hadassah Mediese Sentrum, sewe fakulteite, meer as honderd navorsingsentrums, en drie-honderd-en vyftien akademiese departemente. Met ingang 2018 het 'n derde van al die doktorale kandidate in Israel by die Hebreeuse Universiteit gestudeer.

Die eerste raad van goewerneurs het Albert Einstein, Sigmund Freud, Martin Buber, en Chaim Weizmann ingesluit. Vier van Israel se eerste ministers is alumni van die universiteit. Met ingang 2018 was daar reeds vyftien Nobelprys wenners, twee Fields medaljewenners, en drie Turing-prys wenners geaffilieer met die universiteit.

Verwysings[wysig | wysig bron]

  1. President’s Report 2015 Geargiveer 14 Oktober 2016 op Wayback Machine, Hebrew University of Jerusalem
  2. "The Hebrew University of Jerusalem – About". Huji.ac.il. Besoek op 6 September 2011.