Heinz Heger

in Wikipedia, die vrye ensiklopedie
Jump to navigation Jump to search
Heinz Heger
’n Beeld van die betrokke persoonlikheid.
Geboortenaam Josef Kohout
Gebore 1917
Wene, Oostenryk-Hongarye
Oorlede Maart 1994
Wene, Oostenryk
Nasionaliteit Vlag van Oostenryk Oostenryk
Ouers Amalia en Josef senior
Bekend vir Die Männer mit dem Rosa Winkel

Josef Kohout (24 Januarie 191515 Maart 1994) was die Oostenrykse oorlewende van ’n Nazi-konsentrasiekamp wat daarheen gestuur is omdat hy homoseksueel was. Hy is die bekendste vir sy boek van 1972, Die Männer mit dem rosa Winkel (in Engels vertaal as The Men with the Pink Triangle). Dit is deur ’n kennis, Hans Neumann, geskryf onder die skuilnaam Heinz Heger, wat dikwels valslik aan Kohout toegeskryf word.[1]

Die boek is een van die min eerstehandse weergawes van die behandeling van gay mans in Nazi-gevangenskap. Dit is in verskeie tale vertaal en ’n tweede uitgawe is in 1994 gepubliseer.[2][3] Dit was die eerste getuienis van ’n gay oorlewende van die konsentrasiekampe wat in Engels vertaal is,[4] en word as die bekendste beskou.[3] Die publikasie daarvan het gehelp om die soeklig te laat val nie net op die lyding van homoseksuele mans onder die Nazi-bewind nie, maar ook op die gebrek aan erkenning en vergoeding ná die oorlog.

Kohout se boek was die inspirasie vir die 1979-toneelstuk Bent deur Martin Sherman.[5] ’n Rolprent is in 1997 daarvan gemaak met Sean Mathias as regisseur.

Nalatenskap[wysig | wysig bron]

Kohout is in Wene dood en van sy besittings is deur sy lewensmaat aan die United States Holocaust Memorial Museum geskenk. Dit sluit Kohout se dagboeke van die kamp in, asook briewe van sy ouers af wat hom nooit bereik het terwyl hy gevange gehou is nie en die stuk materiaal met die pienk driehoek en sy gevangenenommer wat hy gedwing is om te dra. Dit was die eerste pienk driehoek wat aan ’n geïdentifiseerde individu behoort het wat deur ’n museum aangeskaf is.[2]

Verwysings[wysig | wysig bron]

  1. Grau, Günter (2011). Lexikon zur Homosexuellenverfolgung 1933−1945. Institutionen. Kompetenzen. Betätigungsfelder. Lit Verlag Dr. W. Hopf. p. 128. ISBN 978-3-8258-9785-7.
  2. 2,0 2,1 Dunlap, David (26 June 1995). "Personalizing Nazis' Homosexual Victims". New York Times.
  3. 3,0 3,1 Tamagne, Florence (2006). A history of homosexuality in Europe. Algora. p. 382. ISBN 0-87586-355-8. Besoek op 22 Junie 2009.
  4. de Cecco, John P.; De Cecco, John P (2000-06-29). A Sea of Stories: the Shaping Power of Narrative in Gay and Lesbian Cultures. Haworth Press. p. 28. ISBN 1-56023-955-7.
  5. Morris, Marla (2001). Curriculum and the Holocaust. Laurence Erlbaum Associates. p. 145. ISBN 0-8058-3812-0.

Eksterne skakels[wysig | wysig bron]