Heldeakker

in Wikipedia, die vrye ensiklopedie
Jump to navigation Jump to search
Ryk Freek Eloff en Elsie Eloff-Kruger se beeldhouer-seun, Fanie, het hul grafsteen in die Heldeakker ontwerp. Elsie se vader, pres. Paul Kruger, se graf is regs agter sigbaar. By hom is ook die dogtertjie van dr. Herman van Broekhuizen en sy vrou, Elsie, se dogtertjie, ook Elsie, begrawe. Sy was pres. Kruger se agterkleindogter.
Grafstene in die Heldeakker.

Die Heldeakker is 'n gedeelte van die ou Pretoria-kerkhof, wat in die destydse Kerkstraat-Wes in Pretoria geleë is. Die begraafplaas is in 1867 geopen, en bevat die grafte van talle openbare figure en bekende Suid-Afrikaners. Dit is die rusplek van historiese figure soos Andries Pretorius, Paul Kruger en Hendrik Verwoerd. Die Australiese anti-held Breaker Morant (deur die Britte tereggestel vir oorlogsmisdade tydens die Tweede Vryheidsoorlog) is ook hier begrawe.[1]

Die eerste teraardebestelling het in 1867 plaasgevind. In 1973 was Tom Andrews (met die hulp van die Girl Guides) die begraafplaas se eerste landmeter. Hy het al die grafte gedokumenteer en later in 'n boek genaamd Pioneer Sketches (Mei 1983) gepubliseer.

Die Kerkstraat-begraafplaas is op die hoek van Kerkstraat en DF Malanrylaan in Pretoria.[2] Die sentrale deel van hierdie geskiedkundige begraafplaas staan as die Heldeakker bekend. Die begraafplaas is 'n groot groen veld vol grafstene met uiteenlopend vorme en style wat in rye georganiseer is. Aangesien dit 'n Christelike begraafplaas is, is die grafte na die ooste georiënteer. Die bome en struike gee die begraafplaas 'n rustige gevoel. Die silwer kruise is 'n beduidende en unieke kenmerk van die begraafplaas. Dit is ook as 'n erfenisterrein gelys.[3]

Bekendes wat hier begrawe is[wysig | wysig bron]

Verwysings[wysig | wysig bron]

  1. "The Sydney Morning Herald – Rollcall at Heroes Acre". Besoek op 11 April 2013. 
  2. "List of cemeteries in Tshwane". Besoek op 11 April 2013. 
  3. "Tshwane Heritage Site Listing". Besoek op 12 April 2013. 

Koördinate: 25°44′47.04″S 28°10′28.92″O / 25.7464000°S 28.1747000°O / -25.7464000; 28.1747000