Hendrik Johannes Jacob Bingle
| Prof. Hennie Bingle | |
Rektor van die Potchefstroomse Universiteit vir Christelike Hoër Onderwys
| |
| Ampstermyn 1964 – 1977 | |
| Voorafgegaan deur | J. Chris Coetzee |
|---|---|
| Opgevolg deur | Tjaart van der Walt |
Kansellier van die Potchefstroomse Universiteit vir Christelike Hoër Onderwys
| |
| Ampstermyn 1981 – 1991 | |
| Voorafgegaan deur | Pieter Vorster |
| Opgevolg deur | F.W. de Klerk |
Persoonlike besonderhede
| |
| Gebore | 15 Augustus 1910 Colesberg, Kaapprovinsie, Suid-Afrika |
| Sterf | 29 Junie 2007 (op 96) |
| Nasionaliteit | .svg){kind=small} Suid-Afrikaner
|
| Eggenoot/-note | Anna Susanna de Klerk |
| Alma mater | Potchefstroomse Universiteit vir Christelike Hoër Onderwys |
Hendrik (Hennie) Johannes Jacob Bingle (1910–2007) was 'n Calvinis, opvoeder en rektor van die Potchefstroomse Universiteit vir Christelike Hoër Onderwys in Potchefstroom, Suid-Afrika.
Herkoms[wysig | wysig bron]
Bingle is op 15 Augustus 1910 in Colesberg in die destydse Kaapprovinsie gebore. Hy was die seun van Pieter Willem Bingle en Albertje Catharina Andria Coetzee.[1] Hy is in 1936 met Anna Susanna de Klerk getroud. Hy is op 29 Junie 2007 oorlede.
Opvoeding[wysig | wysig bron]
Hy het sy matriek aan Hoërskool Paul Kruger in Steynsburg geslaag. Hy was 'n onderwyser op Steynsburg, Vryburg, Messina en in Johannesburg. In 1931 het hy by die Staatsargief gewerk. Hy het 'n M.Ed. in 1935 en 'n PhD in 1940 aan die Potchefstroomse Universiteit behaal.
Loopbaan[wysig | wysig bron]
In 1945 is hy as senior lektor in Opvoedkunde aangestel aan die Potchefstroomse Universiteit.[2] In 1949 is hy tot professor bevorder. Hy is in 1951 as Dekaan van die Onderwysdepartement aangestel, tot 1962. Hy was nou betrokke by die universiteit wat in 1951 onafhanklik geword het. Hy was een van die skrywers van die Universiteitswet.
Op 20 November 1963 word hy deur die Universiteitsraad as Rektor verkies. Bingle was 'n Calvinis, en het 'n instituut op die kampus gestig vir die bevordering van Calvinisme. Hy was voorsitter van die Afrikaanse Calvinistiese Beweging.
Die universiteit het in sy tyd as rektor in studentegetalle gegroei. Hy het 16 universiteite wêreldwyd besoek om te sien hoe om die universiteit konstruktief uit te brei. Hy het noue bande gehad met die regering van die dag, deur lidmaatskap van nasionale komitees.[3] Die graad Doctor Educationis (Honoris Causa) is in 1981 aan hom verleen en hy het in 2001 die Kanseliersmedalje ontvang. Vandag dra die studentesentrum op kampus sy naam.[4][5][6][7][8][9]
Verwysings[wysig | wysig bron]
- ↑ van Wyk, J.H. (Maart 2003). "Die Kerkblad - Die redakteur gesels met... prof. H.J.J. Bingle". Gereformeerde Kerke Suid-Afrika (GKSA) Die Kerkblad, Volume 105, uitgawe 3149, p. 16–17. Besoek op 19 Julie 2018.
- ↑ "Bingle, Hendrik Johannes Jacob (Hennie)". CKE. Geargiveer vanaf die oorspronklike op 6 September 2018. Besoek op 19 Julie 2018.
- ↑ "Beleid- en bestuurstrukture". nwu.ac.za. Besoek op 19 Julie 2018.
- ↑ "Staff commemorated Hennie Bingle's 100th birthday". Geargiveer vanaf die oorspronklike op 21 Augustus 2018. Besoek op 20 Julie 2018.
- ↑ "In dankbare herinnering aan...portret van 'n man soos Hennie Bingle". Ingenta. 1 September 2007.
- ↑ Schutte, B.C. "H.J.J. Bingle se plek in die S.A. Opvoedkundige panorama". Besoek op 20 Julie 2018.
- ↑ "Portraits of NWU leaders unveiled". NWU. 9 September 2016. Geargiveer vanaf die oorspronklike op 6 September 2018. Besoek op 27 Julie 2018.
- ↑ "Onderwysontwikkeling". Instituut vir bevordering van Calvinisme. 1987.
- ↑ "50 jaar gelede 11 Februarie 1967". Die Burger. 11 Februarie 2017. Besoek op 20 Julie 2018.
