15 Augustus

15 Augustus is die 227ste dag van die jaar in die Gregoriaanse kalender (228ste in skrikkeljare). Daar volg nog 138 dae in die res van die jaar.

Gebeure

687 – Pous Sergius I volg Pous Konon op.
1264 – Pous Urbanus IV gee die kroon van Sisilië aan Karel van Anjou.
1483 – Die Sixtynse kapel word in gebruik geneem.
1914 – Die Panama-kanaal word in gebruik geneem om 'n kortpad tussen die Atlantiese en die Stille Oseaan te vestig.
1944 – Tweede Wêreldoorlog: Operasie Dragoon vind plaas, die inval in die suide van Frankryk van uit die Middellandse See.
1945 – Geallieerde Nasies vier die einde van die Tweede Wêreldoorlog na oorwinning in Japan wanneer keiser Hirohito die onvoorwaardelike oorgawe in die Stille Oseaan oorlog oor die radio aankondig. Noord- en Suid-Korea word van Japan onafhanklik.
1947 – Indië word van die Verenigde Koninkryk onafhanklik en Jawaharlal Nehru word die eerste eerste minister van dié land.
1960 – Kongo-Brazzaville verklaar onafhanklikheid van Frankryk.
1969 – Die Woodstock Musiekfees begin in Bethel, New York.
1971 – Bahrein word onafhanklik van die Verenigde Koninkryk.
1983 – Joshua Nkomo, wat verdink is van deelname aan die ZAPU Matabelelandrebellie teen President Robert Gabriel Mugabe se ZANU regering, keer na Harare in Zimbabwe terug na verskeie maande in ballingskap in Brittanje.
1985 – President PW Botha lewer die sogenaamde Rubicon-toespraak wat ernstige gevolge vir die ekonomie van Suid-Afrika gehad en dit het ook veroorsaak dat Suid-Afrika nog verder geïsoleer is deur die internasionale gemeenskap.
1989 – FW de Klerk word president van Suid-Afrika.
2007 – Pous Benedictus XVI verklaar dat daar geen beswaar (nihil ostare) is teen die begin van die saligverklaringsproses vir Pous Pius VII nie.

Geboortes

1769 – Napoleon Bonaparte, Franse generaal en keiser († 1821).
1785 – Thomas de Quincey, Engelse skrywer, essayis en literêre kritikus. († 1859).
1851 – August Ahrbeck, Suid-Afrikaanse predikant en taalstryder († 1935).
1857 – Albert Ballin, Duitse reder en entrepreneur († 1918).
1867 – Ambrose Lomax, Suid-Afrikaanse apteker en fotograaf († 1943).
1902 – Jan Campert, Nederlandse joernalis, digter en skrywer. († 1943).
1905 – G.D. Scholtz, Suid-Afrikaanse geskiedkundige, skrywer en koerantredakteur († 1983).
1910 – Prof. Hennie Bingle, rektor van die PU vir CHO van 1964 tot 1977 († 2007).
1925 – Kas van den Bergh, Afrikaanse skrywer († 1997).
1926 – Julius Katchen, Amerikaanse pianis († 1969).
1927 – John Cranko, Suid-Afrikaanse balletdanser, choreograaf, regisseur en balletleier († 1973).
1929 – Georgios Roubanis, Griekse paalspring atleet.
1931 – Hugues C. Pernath, Vlaamse skrywer († 1975).
1932 – Abby Dalton, Amerikaanse aktrise († 2020).
1938 – Maxine Waters, Amerikaanse politikus.
1950 – Anne-Marie Beukes, Suid-Afrikaanse hoogleraar.
1950 – Prinses Anne, Britse koninklike, enigste dogter van koningin Elizabeth en prins Philip.
1955 – Elsabé Daneel, Suid-Afrikaanse aktrise, voordragkunstenaar en aanbieder.
1963 – Jeremy Mansfield, Suid-Afrikaanse radio-omroeper en televisiepersoonlikheid. († 2022).
1976 – Abiy Ahmed, Ethiopiese politikus en 12de premier van Ethiopië.
1979 – Elana Afrika, Suid-Afrikaanse aktrise en radio- en TV-aanbieder.

Sterftes

1118 – Alexios I, keiser van die Bisantynse Ryk (* 1048).
1947 – Edwin Cheere Anderssen, Afrikaanse leraar van die NG Kerk en veldprediker tydens die Tweede Vryheidsoorlog (* 1868).
1951 – Artur Schnabel, Oostenrykse pianis (* 1882).
1969 – Stijn Streuvels, Vlaamse skrywer (* 1871).
1967 – G.B.A. Gerdener, Suid-Afrikaanse teoloog, hoogleraar en geskiedskrywer (* 1881).
1975 – Sheikh Mujibur Rahman, Eerste Minister van Bangladesj in die vroeë 1970's (* 1920).
1997 – Ida Gerhardt, klassikus en Nederlandse digteres van die na-simboliese tradisie (* 1905).
2008 – Vic Toweel, Suid-Afrikaanse bokslegende en voormalige kapokgewig-wêreldkampioen (* 1928).
2016 – Makhenkesi Stofile, Suid-Afrikaanse ANC-politikus (* 1944).
2018 – Martin Pelser, Springbokrugbyspeler (* 1934).

Gepubliseer

1832 – Mirari Vos, Teen liberalisme – deur Pous Gregorius XVI.

Vakansies, vierings, en waarnemingsdae

Amptelike einde van die Tweede Wêreldoorlog (Nederland)
Mariahemelvaart (Christendom)
Onafhanklikheidsdag in Indië (1947), Suid-Korea (1948), Republiek die Kongo (1960)

Wikimedia Commons het meer media in die kategorie 15 Augustus.