Vryburg

in Wikipedia, die vrye ensiklopedie
Spring na: navigasie, soek
Vryburg
Die stadsaal in Vryburg
Die stadsaal in Vryburg
Ligging van Vryburg op 'n kaart (Noordwes)
Vryburg
Vryburg
 Vryburg se ligging in Noordwes
Koördinate: 26°57′0″S 24°44′50″O / 26.95000°S 24.74722°O / -26.95000; 24.74722Koördinate: 26°57′0″S 24°44′50″O / 26.95000°S 24.74722°O / -26.95000; 24.74722
Land Vlag van Suid-Afrika Suid-Afrika
Provinsie Noordwes
Distrik Dr. Ruth Segomotsi Mompati
Munisipaliteit Naledi
Oppervlak[1]
 - Stad 64,24 km²  (24,8 vk m)
Bevolking (2011)[1]
 - Stad 21 182
 - Digtheid 330/km² (854,7/myl2)
Rasverdeling (2011)[1]
 • Swart 40.8%
 • Kleurling 37.6%
 • Indiër/Asiër 3.2%
 • Blankes 17.7%
 • Ander 0.7%
Taal (2011)[1]
 • Afrikaans 56.3%
 • Tswana 33.0%
 • Engels 6.4%
 • Ander 4.3%
Poskode (straat) 8601
Poskode (posbus) 8600
Skakelkode(s) 053

Vryburg is 'n dorp in die Noordwes-provinsie van Suid-Afrika.

Ligging[wysig | wysig bron]

Die dorp lê halfpad tussen Kimberley (die hoofstad van die Noord-Kaap) en Mahikeng (die hoofstad van Noordwes). Dit lê op die belangrike spoorlyn wat Cecil Rhodes vanaf Kaapstad na die diamantvelde van Kimberley, en verder noord deur Vryburg na Mafikeng en Rhodesië (nou Zambië en Zimbabwe) aangelê het. Die spoorlyn is in Desember 1890 tot by Vryburg voltooi. Dit lê ook op die N14 nasionale pad wat van Gauteng in 'n suidwestelike rigting deur Vryburg, Kuruman en Upington loop na Namakwaland en Namibië.

Geskiedenis[wysig | wysig bron]

Vryburg was die hoofstad van Die Stellalandse Republiek wat in 1882 gestig is. Die eerste en enigste president was G.J. van Niekerk. In 1885 het die Britte die dorp ingeneem en die gebied by Brits-Betsjoeanaland ingelyf, wat toe in 1895 deel van die Kaapkolonie geword het.

Tydens die Anglo-Boereoorlog het die Britte 'n konsentrasiekamp vir vrouens en kinders hier bedryf.

In 1910 het die Kaapkolonie die Kaapprovinsie (een van die vier provinsies van die Unie van Suid-Afrika en later die Republiek van Suid-Afrika) geword. Vanaf 1994, toe die land in nege provisies verdeel is, val Vryburg in die Noordwes-provinsie.

Besienswaardighede[wysig | wysig bron]

Vryburg se spoorwegstasie

Net suid van die dorp is die Huhudi-woongebied. Die naam is 'n Tswana-woord wat "lopende water" beteken. Verder suid, by Tierkloof, is die Tiger Kloof Educational Institute, wat in 1904 deur die Londense Sendinggenootskap opgerig is. Die klipkerk daar is 'n nasionale gedenkwaardigheid.

Vryburg is die land se grootste bees-produksiedistrik. Dit word soms "die Texas van Suid-Afrika" genoem. Die Hereford-beesras is die gewildste. Mielies en grondbone is die belangrikste gewasse.

Sir Arnold Theiler, die veearts wat die wêreldberoemde veeratsenykundige navorsingstasie, Onderstepoort, naby Pretoria, tot stand gebring het, het gedurende die vroeë deel van sy loopbaan op die plaas Armoedsvlakte, 8 km wes van Vryburg, navorsing gedoen. Van die apparaat wat hy gebruik het, is te sien in die Theilermuseum op die plaas.

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 Hoofplek Vryburg”. Sensus 2011.

Bronnelys[wysig | wysig bron]

Sien ook[wysig | wysig bron]

Eksterne skakels[wysig | wysig bron]

Commons-logo.svg
Wikimedia Commons het meer media verwant aan: