Heraldeiland

in Wikipedia, die vrye ensiklopedie
Jump to navigation Jump to search
Heraldeiland
Inheemse naam: Остров Геральд
’n Kaart van Heraldeiland.
’n Kaart van Heraldeiland.
Geografie

Ligging Noordelike Yssee
Tsjoekotka
Koördinate Koördinate: 71°23′N 175°40′W / 71.383°N 175.667°W / 71.383; -175.667 Sien bo

Oppervlakte 11,3 km2

Administrasie
Vlag van Rusland Rusland

Die eiland is saam met Wrangeleiland ’n Unesco-wêrelderfenisgebied

Heraldeiland (Russies: Остров Геральд, Ostrof Gerald) is ’n klein, afgeleë Russiese eiland in die Noordelike Yssee, 70 km oos van Wrangeleiland. Dit het hoë kranse, wat dit taamlik ontoeganklik maak – per skip en per vliegtuig. Die enigste stukkie seekus van waar dit bereik kan word, is sy noordwestelike punt waar die kranse verkrummel het.

Beskrywing[wysig | wysig bron]

Die eiland is 11,3 km2 groot en die maksimum hoogte bo die seevlak is 364 m. Dit is nie toegeys nie en is onbewoon. Dit is genoem na die opmetingskip HMS Herald, van waar dit in 1849 ontdek is.

Administratief val Heraldeiland in die outonome okroeg Tsjoekotka van die Russiese Federasie. Saam met Wrangeleiland maak dit deel uit van die Wrangeleiland-natuurreservaat, sedert 1976 ’n Russiese nasionale park. Kaap Dmitrijewa op die eiland is die mees oostelike grens van die natuurreservaat.

In 2004 is Herald- en Wrangeleiland asook die omliggende waters verklaar tot ’n Unesco-wêrelderfenisgebied.[1]

Verwysings[wysig | wysig bron]

  1. UNESCO World Heritage Centre (2012-11-16). "First wave of new properties added to World Heritage List for 2004". Whc.unesco.org. Besoek op 2014-02-20.

Eksterne skakels[wysig | wysig bron]