Hernus Kriel

in Wikipedia, die vrye ensiklopedie
Jump to navigation Jump to search
Hernus Kriel

Minister van Wet en Orde
Ampstermyn
1991 – 1994
Eerste minister F.W. de Klerk
Voorafgegaan deur Adriaan Vlok
Opgevolg deur Sidney Mufamadi

Premier van die Wes-Kaap
Ampstermyn
1994 – 1998
Opgevolg deur Gerald Morkel

Persoonlike besonderhede
Gebore 14 November 1941
Kakamas, Noord-Kaap
Sterf 5 Julie 2015 (op 73)
Politieke party Nasionale Party
Eggenoot/eggenote Anna-Mari (née Jooste)
Alma mater Universiteit van Stellenbosch

Hermanus Jacobus Kriel (1941–2015) was 'n minister van wet en orde in die kabinet van F.W. de Klerk, asook die eerste premier van die Wes-Kaap in 1994.[1]

Kriel is op 14 November 1941 in Kakamas in die Noord-Kaap gebore.[2][3] Hy het 'n BA- en 'n LLB-graad aan die Universiteit van Stellenbosch verwerf. Daarna was hy 'n prokureur tot 1981, waarna hy tot die uitvoerende komitee van die Kaapse Provinsiale Raad verkies is.

In 1 Junie 1990 het hy, as die minister van beplanning en provinsiale sake, die Wetsontwerp op die Herroeping van Diskriminerende Wetgewing betreffende Openbare Geriewe by die Parlement ingedien.

Van 1991 tot 1994 was hy die minister van wet en orde. Hy was verantwoordelik vir die aanstel van 'n ombudsman om bewerings van wangedrag onder polisielede te ondersoek. Hy het ook die aantal swart lede in die Polisie uitgebrei, 'n eenheid vir onluste-beheer (wat apart van die SAP funksioneer) daargestel, en 'n kode vir polisie-optrede ontwikkel.

Kriel het van 11 Mei 1994 tot 11 Mei 1998, steeds as 'n lid van die Nasionale Party, as premier in die Wes-Kaap gedien. Hy was bekend daarvoor dat hy die objektiwiteit van Waarheid-en-versoeningskommissie bevraagteken het.[4] Hy het ook die terugbring van die doodstraf bepleit.

Hy is op 5 Julie 2015 oorlede.

Verwysings[wysig | wysig bron]

  1. "Premiers on the provincial thrones". Mail & Guardian. 13 Mei 1994. 
  2. Hayes, S.V (ed) (1992). Who's Who of Southern Africa. Who's Who of Southern Africa C.C. p. 465. ISBN 0-620-15974-X. 
  3. "O Malley Archives". Besoek op 29 Januarie 2013. 
  4. "TUTU REBUKES DE KLERK AND KRIEL FOR CRITICISING THE TRC'S OBJECTIVITY". South African Press Association. 4 November 1996.