Gaan na inhoud

Hertogdom van Cornwall

in Wikipedia, die vrye ensiklopedie
Hertogdom Cornwall
(Vlag) (Wapen)
Leuse (Kornies): Onen hag oll
(Een en almal)
Huidige hertog William, Prins van Wallis
sedert 8 September 2022
Status Eiendom van the Britse Kroon
Gestig 17 Maart 1337
Webwerf duchyofcornwall.org
Oppervlakte 531,3 km2

Die Hertogdom van Cornwall (Kornies: Duketh Kernow) is een van twee koninklike hertogdomme in Engeland, die ander is die Hertogdom Lancaster. Dit is in 1337 deur Eduard III gestig om 'n inkomste vir sy seun, Eduard die Swart Prins te genereer.[1] Volgens die handves van die hertogdom, kry die oudste seun van die regerende Britse monarg besit van die hertogdom en die titel van 'Hertog van Cornwall' of by geboorte of wanneer sy ouer op die troon opvolg. Hy mag nie bates vir persoonlike voordeel verkoop nie en het beperkte regte en inkomste terwyl hy minderjarig is. Wanneer die monarg geen manlike kinders het nie, keer die regte en verantwoordelikhede van die hertogdom terug na die Kroon.

Die hoofaktiwiteit van die hertogdom is die bestuur van sy grondbesit in Engeland van 53 130 hektaar.[2] Dit sluit 7 571 ha grond in Cornwall self in wat 13% van die hele Hertogdom-landgoed uitmaak.[3] Die helfte van die landgoed is op Dartmoor in Devon, met ander groot hoewes in Herefordshire, Somerset en byna al die Scilly-eilande. Die hertogdom het ook 'n portefeulje van finansiële beleggings.[4]

Die huidige hertog is William, Prins van Wallis wat die titel van sy pa geërf het op 8 September 2022, toe sy pa, Charles III, die troon opgevolg het. Toe Charles did title in 1952 onvang het, was daar geen hertog van Cornwall nie, want sy oupa, George VI het geen seuns gehad nie.

Die Hertogdomraad, genaamd die Prins se Raad, vergader twee keer per jaar en word deur die hertog gelei. Die Prins se Raad is 'n nie-uitvoerende liggaam wat advies aan die hertog verskaf met betrekking tot die bestuur van die hertogdom.[2] Die hertogdom oefen ook sekere wetlike regte en voorregte uit oor Cornwall en die Scilly-eilande, insluitend sommige wat elders in Engeland aan die Kroon behoort. Die hertog stel 'n aantal amptenare in die graafskap aan en tree op as die hawe-owerheid vir die hoofhawe van die Scilly-eilande.

Die regering beskou die hertogdom as 'n kroonliggaam en dus vrygestel van die betaling van korporatiewe belasting. Die belastingvrye status van die hertogdom is betwis,[5] en vanaf 1993 tot sy troonbestyging in 2022 het prins Charles, die hertog van Cornwall, vrywillig inkomstebelasting op die hertogdom se inkomste betaal.

Verwysings[wysig | wysig bron]

  1. Chandos Herald (1883). The life & feats of arms of Edward the Black prince (in Engels). J. G. Fotheringham. p. 294. Besoek op 13 November 2022.
  2. 2,0 2,1 Bowern, Philip (13 Julie 2015). "Prince William groomed for Duchy role". Western Morning News (in Engels). Geargiveer vanaf die oorspronklike op 14 Augustus 2015. Besoek op 13 November 2022.
  3. "Does the Duchy own all of Cornwall?". Duchy of Cornwall official site (in Engels). Besoek op 13 November 2022.
  4. Barnett, Antony (29 Januarie 2005). "The prince of property and his £460m business empire". The Guardian (in Engels). Besoek op 13 November 2022.
  5. "House of Commons - Public Accounts Committee: Written evidence from Republic" (in Engels). Publications.parliament.uk. Besoek op 13 November 2022.