Hond (astrologie)

in Wikipedia, die vrye ensiklopedie
Jump to navigation Jump to search
Dog 2.svg

Die Hond (Chinees: 狗, gǒu) is die elfde dier in die twaalfjaarlikse siklus van die Chinese astrologie, volgens die Chinese kalender. Dit hou ook verband met Oos-Asiatiese diereriem- en kalenderstelsels. Die Jaar van die Hond word verbind met die Aardse taksimbool 戌.[1]

Beskrywing[wysig | wysig bron]

Volgens een legende is daar ’n rede vir die volgorde van die twaalf diere in die twaalfjaarsiklus. Daarvolgens is ’n resies oor ’n groot rivier gehou en die volgorde van die diere in die siklus is die volgorde waarin hulle die resies voltooi het. In dié verhaal het die Hond, hoewel hy goed kon swem, sy tyd verspeel deur eers in die water te speel.

Die Chinese tekens word ook die diereriem genoem omdat geglo word ’n mens se persoonlikheid word deur die dier beïnvloed wat oor jou geboortedatum heers. Net so word die jaar waaroor ’n spesifieke dier heers, daardeur gekenmerk. Die invloed is veral sterk by mense wat in die jaar van die dier gebore is.

Dieselfde twaalf diere word gebruik om die siklus van ure in ’n dag te simboliseer – elk word verbind met ’n tydperk van twee uur. Die tydperk van die Hond is van 19:00 tot 21:00 – die tyd wanneer honde die huis oppas.

In Chinese simbologie word Honde beskou as getrou, verantwoordelik, slim en dapper, maar ook sensitief, konserwatief, koppig en emosioneel.

Jare en die Vyf Elemente[wysig | wysig bron]

Mense wat binne dié datums gebore is, is in die Jaar van die Hond gebore, met ook die volgende elementêre teken:[2]

Begindatum Einddatum Hemelse tak
14 Februarie 1934 3 Februarie 1935 Houthond
2 Februarie 1946 21 Januarie 1947 Vuurhond
18 Februarie 1958 7 Februarie 1959 Aardhond
6 Februarie 1970 26 Januarie 1971 Metaalhond
25 Januarie 1982 12 Februarie 1983 Waterhond
10 Februarie 1994 30 Januarie 1995 Houthond
29 Januarie 2006 17 Februarie 2007 Vuurhond
16 Februarie 2018 4 Februarie 2019 Aardhond
2 Februarie 2030 22 Januarie 2031 Metaalhond
22 Januarie 2042 9 Februarie 2043 Waterhond

Honde en hul maats[wysig | wysig bron]

Teken Beste maats Gemiddelde maats Slegte maats
Hond Hond, Tier, Perd Vark, Konyn, Bok, Slang, Haan, Os, Aap, Rot Draak

Basiese astrologiese elemente[wysig | wysig bron]

Aardse tak van geboortejaar Xu
Die Vyf Elemente Aarde
Jin/jang Jang
Maanmaand 9de
Gelukkige nommers 3, 4, 9; vermy: 1, 6, 7
Gelukkige blomme Roos, orgidee
Gelukkige kleure Groen, rooi, pers; vermy: blou, wit, goud
Seisoen Herfs
Naaste Westerse teken Weegskaal

Sien ook[wysig | wysig bron]

Verwysings[wysig | wysig bron]

  1. Chinese Zodiac - Dog”. TravelChinaGuide.com. URL besoek op 25 Augustus 2018.
  2. Chinese Zodiac – Dog”. Your Chinese Astrology. URL besoek op 25 Augustus 2018.

Eksterne skakels[wysig | wysig bron]

Vorige teken
Haan (酉)
Hond (戌) Volgende teken
Vark (亥)