Idasvallei
Idasvallei is ‘n woonbuurt van Stellenbosch.
Die gebied lê aan die noordoostekant van die dorp, noord van die pad wat lei na Helshoogte en suid van die Kromrivier.
Aan die einde van 1682 het goewerneur Simon van der Stel die plaas Idasvallei toegeken aan Francois Villion, ‘n Hugenoot wat vroeër as ander Hugenote na die Kaap gekom het. (Die dorp Stellenbosch is eers drie jaar later, 1685 aangelê.) Die plaashuis met ‘n gewel in ‘n unieke uitspattige styl is deur Samuel Johannes Cats in 1789 gebou. Die dorp se munisipaliteit het ‘n groot deel van die plaas aangekoop en nadat die Groepsgebiedewet in werking gestel is, is 7 000 kleurlinge van die dorp in die 1950’s op die plaasgrond hervestig.
Bibliografie
[wysig | wysig bron]- Collier, Joy: Stellenbosch revisted. Stellenbosch: U.U.B., 1959
- Hoskyn, Margaret: Stellenbosch village 1920-1950. Kaapstad: Tafelberg, 1979. ISBN 0-624-01159-3
- Khafif, Zainab: History of Ida’s Valley. collections.sun.ac.za
- Protected national heritage site – Cape Winelands cultural landscape: Idas Valley Stellenbosch https://sahris.sahra.org.za