Ierse mitologie
Die Ierse mitologie is die mitologie van voorhristelike Ierland. Dit word oorgelewer in middeleeuse tekste wat dikwels in die Ulster-, Finn-, mitologiese en historiese siklusse verdeel word. Daarbenewens is daar volksverhale waarin mitologiese karakters voorkom en 'n aantal tekste wat nie in die vier siklusse geklassifiseer kan word nie.
Die drie belangrikste bronne is die 11de-eeuse Lebor na hUidre, die 12de-eeuse Lebor Laignech en die Rawlinson-manuskrip. Die taal wat in hierdie tekste gebruik word, is egter ouer en dateer waarskynlik uit die 6de eeu.
Die mitologiese siklus[wysig | wysig bron]
Die mitologiese siklus beskryf die geskiedenis van die Tuatha Dé Danann en die koms van die Gael na Ierland. Die beroemdste bron is Lebor Gabála Érenn. Ander verhale sluit in Bodb Derg, Tochmarc Étaíne, Cath Maige Tuireadh en die verhaal van Lir se kinders.
Ulster-siklus[wysig | wysig bron]
Die Ulster-siklus beskryf die geskiedenis van die Ulaid in die regeerperiode van Conchobar mac Nessa en episodes uit die voorafgaande periode. Belangrike karakters sluit onder andere die held Cú Chulainn en Medb, die koningin van Connacht, in. Die verhale speel op verskillende plekke in Ierland af, maar veral rondom die hof van Conchobar in Emain Macha. Die Táin Bó Cúailnge, Togail Bridene Dá Derga en Deirdre-verhaal behoort tot hierdie siklus.
Finn siklus[wysig | wysig bron]
Die Finn-siklus vertel van die held Fionn mac Cumhaill en die fianna. Dit vind hoofsaaklik in Leinster en Munster plaas. In teenstelling met die Ulster-siklus, word die Finn-siklus hoofsaaklik in poësie geskryf.[1][2][3][4][5]
Verwysings[wysig | wysig bron]
- ↑ Carey, John (2006). "Tuath Dé". Celtic Culture: A Historical Encyclopedia. Ed. John T. Koch. ABC-CLIO. 1693–1697.
- ↑ Williams, M. A. (2016). Ireland's Immortals: A history of the gods of Irish myth. Princeton, New Jersey. p. 82. ISBN 978-0-691-15731-3. OCLC 951724639.
{{cite book}}: AS1-onderhoud: plek sonder uitgewer (link) - ↑ Ó hÓgáin, Dáithí (1991). Myth, Legend & Romance: An encyclopaedia of the Irish folk tradition. Prentice Hall Press. pp. 312–315, 407–409.
- ↑ Retzlaff, Kay (1998). Ireland : its myths and legends. New York: Metro Books. ISBN 1-56799-564-0. OCLC 37457923.
- ↑ Wyeth, Adam (2013). The hidden world of poetry : unravelling Celtic mythology in contemporary Irish poetry. Salmon Poetry. ISBN 978-1-908836-56-4. OCLC 857525147.
