Jamie Foxx

Jamie Foxx
Foxx in 2013 by die Paryse première van Django Unchained.
Geboortenaam	Eric Marlon Bishop
Geboorte	13 Desember 1967 (1967-12-13)
Aktiewe jare	1985-tans

Eric Marlon Bishop (gebore op 13 Desember 1967), professioneel bekend as Jamie Foxx, is ’n Amerikaanse akteur, sanger en komediant.

Loopbaan

Foxx se ster op die Hollywood Walk of Fame.

Foxx het ’n Oscar, Bafta en Golden Globe vir beste akteur gewen vir die biografiese prent Ray (2004). In dieselfde jaar is hy benoem vir ’n Oscar vir beste manlike byspeler vir sy spel in die aksiefliek Collateral.

Ander noemenswaardige rolle sluit in die titelrol in Django Unchained (2012), die superskurk Electro in The Amazing Spider-Man 2 (2014) en William Stacks in die 2014-weergawe van Annie. Hy was ook in die televisie-komedieprogram In Living Color (1990-1994) en sy eie TV-program, die sitkom The Jamie Foxx Show (1996-2001), waarin hy Jamie King jr. speel.

Foxx is ook ’n bekroonde musikant, met ’n Grammy agter sy naam en vier albums wat hoog op die US Billboard 200 was: Unpredictable (2005), wat boaan was, Intuition (2008), Best Night of My Life (2010) en Hollywood: A Story of a Dozen Roses (2015).

In September 2007 het hy 'n ster op die Hollywood Walk of Fame gekry.