Jigme Khesar Namgyel Wangchuck

in Wikipedia, die vrye ensiklopedie
Jump to navigation Jump to search
Jigme Khesar Namgyel Wangchuck
འཇིགས་མེད་གེ་སར་རྣམ་རྒྱལ་དབང་ཕྱུག
Koning van Bhoetan
King Jigme Khesar Namgyel Wangchuck (edit).jpg
Bewind 9 Desember 2006 – tans
Voorganger Jigme Singye Wangchuck
Erfgenaam Prins Jigme Namgyel Wangchuck
Gade Jetsun Pema
Kinders Jigme Namgyel Wangchuck[1]
Koningshuis Wangchuck
Gebore 21 Februarie 1980 (1980-02-21) (39 jaar oud)
Kathmandu, Nepal[2]
Vader Jigme Singye Wangchuck
Moeder Tshering Yangdon

Jigme Khesar Namgyel Wangchuck (འཇིགས་མེད་གེ་སར་རྣམ་རྒྱལ་དབང་ཕྱུག་, Wylie: jigs med ge sar rnam rgyal dbang phyug;[3] gebore 21 Februarie 1980) is die huidige koning van Bhoetan. Nadat sy pa, Jigme Singye Wangchuck, geabdikeer het, het hy op 9 Desember 2006 die troon bestyg. Hy is op 6 November 2008 gekroon – ’n veelbelowende jaar aangesien dit die 100ste bewindsjaar van die Huis van Wangchuck was.[4]

Vroeë lewe[wysig | wysig bron]

Khesar is die oudste seun van die vierde Druk Gyalpo[5] en sy derde vrou, koningin Ashi Tshering Yangdon.[6] Hy het ’n jonger suster, prinses Ashi Dechen Yangzom, en broer, prins Gyaltshab Jigme Dorji, asook vier halfsusters en drie halfbroers.[7]

Ná die voltooiing van sy sekondêreskoolloopbaan aan die Yangchenphug-hoërskool in Bhoetan het Khesar in Amerika studeer en daarna aan Magdalen-kollege aan die Universiteit van Oxford afstudeer.[8]

As kroonprins was hy gewild en het hy sy pa op baie toere vergesel. Op 8 Mei 2002 het hy Bhoetan by die 27ste Algemene Vergadering van die Verenigde Nasies verteenwoordig en sy eerste toespraak voor die VN gehou.[9] In 2006, tydens ’n besoek aan Thailand, het hy ’n sensasie veroorsaak en ’n horde vroulike aanhangers in dié land gekry.

Bewind[wysig | wysig bron]

Die koning besoek in 2009 Mahatma Gandhi se graf in Indië.

In Desember 2005 het koning Jigme Singye Wangchuck aangekondig hy gaan abdikeer en onmiddellik verantwoordelikheid aan sy seun begin oordra.[10] Hy het sy abdikasie amptelik op 9 Desember 2006 aangekondig.[11] Khesar is op 6 November 2008 gekroon. Godsdienstige en openbare feesvierings is gehou en die antieke, kleurryke kroningseremonie in Thimphu is deur duisende buitelandse ampsdraers bygewoon.[12][13]

Op 20 Mei 2011 het Khesar sy verlowing aan Jetsun Pema aangekondig. Hulle is op 13 Oktober van dié jaar getroud[14][15] en hul eersteling is op 5 Februarie 2016 gebore. Hulle het sy geboorte op Facebook aangekondig.[16][17]

Die jong koning het sy bewind begin deur sy land na demokrasie te lei. Volgens hom is dit die huidige geslag Bhoetanese se verantwoordelikheid om die sukses van demokrasie te verseker. Hy het die regering versterk in voorbereiding vir die demokratiese veranderinge van 2008. Die eerste verkose parlement het die land se grondwet op 18 Julie 2008 aanvaar.

Net die vorige jaar het hy ’n nuwe vriendskapsverdrag met Indië gesluit wat die ou verdrag van 1949 vervang het.[18]

Hy het in Maart 2009 ’n veldtog geloods om lank bestaande grondkwessies op te los[19] en so onder meer die lewe van mense in afgeleë gebiede verbeter.[20] Die koning lê klem op opvoeding en besoek dikwels skole om daaroor te praat. Verskeie beurse om oorsee te studeer is ingestel.

Omstredenheid[wysig | wysig bron]

Die jong koning het nog geen humanitêre of politieke standpunt ingeneem oor die Bhoetanese burgers van Nepalese herkoms wat sy pa se regering uit die land verban het om Bhoetan se "unieke nasionale identiteit" te behou nie.[21][22][23][24][25] Dit het na bewering die meeste vlugtelinge per capita in die 1990's tot gevolg gehad.[26] Sowat 108 000 van dié staatlose Bhoetanese bly nog in sewe vlugtelingkampe in Nepal, hoewel baie in Westerse lande hervestig is.[27][28][29]

Verwysings[wysig | wysig bron]

  1. Rspnbhutan Geargiveer 2 Maart 2016 op Wayback Machine archived at [1]
  2. "I was born in Nepal: HM the King of Bhutan". Geargiveer vanaf die oorspronklike op 2 Junie 2016. Besoek op 8 Mei 2016.
  3. "A Legacy of Two Kings". Bhutan Department of Information Technology. Geargiveer vanaf die oorspronklike op 27 Maart 2012. Besoek op 6 November 2008.
  4. Royal Ark
  5. WANGCHUCK DYNASTY. 100 Years of Enlightened Monarchy in Bhutan. Lham Dorji
  6. Genealogy
  7. Lawson, Alistair (4 November 2008). "Profile: Jigme Khesar Namgyel Wangchuck". BBC News.
  8. "His Royal Highness Crown Prince Dasho Jigme Khesar Namgyel Wangchuck". RAOnline. Besoek op 6 November 2008.
  9. "Crown Prince addresses the United Nations". Kuensel. Geargiveer vanaf die oorspronklike op 2 Januarie 2010.
  10. "Bhutan king announces abdication". BBC. 18 Desember 2005. Besoek op 6 November 2008.
  11. "Bhutanese king steps down early". BBC. 15 Desember 2006. Besoek op 8 November 2008.
  12. "Lavish coronation for Bhutan king". BBC. 6 November 2008. Besoek op 6 November 2008.
  13. "Coronation fever in Bhutan as people's king bonds with subjects". 18 November 2008.
  14. "Royal wedding: Bhutan king weds Jetsun Pema". NDTV. 13 Oktober 2011. Besoek op 13 Oktober 2011.
  15. "Bhutan's 'Prince Charming' king marries student bride". The Daily Telegraph. UK. 12 Oktober 2011. Besoek op 13 Oktober 2011.
  16. Facebook
  17. "Bhutan's Queen Jetsun Pema gives birth to crown prince". BBC. 6 Februarie 2016. Besoek op 6 Februarie 2016.
  18. "Bhutan and India sign new treaty". BBC News. 8 Februarie 2007. Besoek op 6 November 2008.
  19. "A promise is kept". Kuenselonline.com. 14 March 2009.
  20. "Farmers Build Village Called Khinadang=Bhutan Observer". 8 July 2011. Geargiveer vanaf die oorspronklike op 2 November 2014. Besoek op 2 November 2014.
  21. Sarkar, Sudeshna. "No homecoming for Bhutan's refugees". www.aljazeera.com. Besoek op 2018-08-18.
  22. AsiaNews.it. "Nepal, Bhutanese refugees ask new king for end of exile". www.asianews.it. Besoek op 2018-08-18.
  23. Diplomat, Maximillian Mørch, The. "Bhutan's Dark Secret: The Lhotshampa Expulsion". The Diplomat (in Engels). Besoek op 2018-08-18.
  24. Bird, Kai. "The Enigma of Bhutan | The Nation" (in Engels). ISSN 0027-8378. Besoek op 2018-08-18.
  25. "Nepal: The Unsettling Resettlement of Bhutan's Refugees". ReliefWeb (in Engels). Besoek op 2018-08-18.
  26. Diplomat, Maximillian Mørch, The. "Bhutan's Dark Secret: The Lhotshampa Expulsion". The Diplomat (in Engels). Besoek op 2018-08-18.
  27. "Bhutan's ethnic cleansing". Human Rights Watch (in Engels). 2008-02-01. Besoek op 2018-08-18.
  28. Mishra, Vidhyapati. "Opinion | Bhutan Is No Shangri-La" (in Engels). Besoek op 2018-08-18.
  29. "Bhutanese refugee crisis: a brief history". The Seattle Times (in Engels). 2016-10-14. Besoek op 2018-08-18.

Eksterne skakels[wysig | wysig bron]