Johannes Keevy

in Wikipedia, die vrye ensiklopedie
Jump to navigation Jump to search
Genl. J.M. Keevy.
Adj.komm. J.M. Keevey toe hy in 1952 Kwartiermeester van die SA Polisie was.

Genl. Johannes Marthinus Keevy (Somerset-Oos, Kaapkolonie, ? – Pretoria, Transvaal, Suid-Afrika, 1981) was van September 1962 tot September 1968 kommissaris van die Suid-Afrikaanse Polisie.

Keevy ontvang sy skoolopleiding aan die Gill-kollege op sy tuisdorp en sluit op 7 Februarie 1929 by die polisie aan. Die polisiekantore waarin hy met die jare gestasioneer was sedert sy opleiding aan die SAP-kollege, was Ganskuil, Boons, Rustenburg, Potchefstroom, Krugersdorp, Pietersburg, Ermelo, Heidelberg (Tvl.) en Durban. daar was hy kwartiermeester.

Vyf jaar ná aansluiting, gedurende 1934, verwerf hy kommissierang. In 1951 verwerf hy die graaf B.A. (Ekon.). In 1962, toe hy lt.genl. was, word hy aangestel as kommissaris van polisie, die laaste keer onder die vorige polisiebedeling dat iemand sonder die rand van generaal in dié amp aangestel is. Op 23 September 1968, in die maand van sy aftrede, open hy die “nuwe” SA Polisiemuseum. Hy het op 72-jarige leeftyd in die HF Verwoerd-hospitaal in Pretoria beswyk nadat hy vermoedelik beroerte gehad het. Hy en sy vrou, Marthina Johanna Maria Stolz, het die laaste jare van sy lewe in Lynnwood Manor in Pretoria gewoon, maar sy is ’n jaar voor hom oorlede. Hulle is op 19 Desember 1936 in die huwelik bevestig. Sy begrafnisdiens is gelei uit die NG kerk Polisiekollege, waarna hy begrawe is in die Rebecca-begraafplaas.

Eerbewyse[wysig | wysig bron]

  • Koningsmedalje
  • SA Polisiester vir Verdienste
  • SA Polisiemedalje vir Troue Diens
  • Afrika-diensmedalje
  • SA Polisiester vir Voortreflike Diens

Bronne[wysig | wysig bron]

  • (en) (af) Nongqai. URL besoek op 17 Mei 2016.