Johannes Kerkorrel

in Wikipedia, die vrye ensiklopedie
Spring na: navigasie, soek
Johannes Kerkorrel
Geboortenaam Ralph John Rabie
Alias Kerkorrel
Geboorte 27 Maart 1960
Johannesburg
Afsterwe 12 November 2002
Kleinmond
Beroep(e) Sanger, Liedjieskrywer, Dramaturg, Joernalis
Genre(s) Afrikaanse Rock
Instrument(e) Klawerbord
Aktiewe jare 1986–2002
Uitgewer(s) Shifty Records, One World Entertainment, Talisman
Portal.svg Musiekportaal

Johannes Kerkorrel (27 Maart 196012 November 2002) was 'n Afrikaanse joernalis en musikant. Sy regte naam was Ralph John Rabie.[1][2]

Rabie is in Johannesburg gebore en was 'n joernalis by die Afrikaanse weekblad, Rapport. In 1986 begin hy liedjies met 'n politiese tema tydens kunsfeeste (onder die verhoognaam Kerkorrel) te sing. Sommige van hierdie liedjies was teen die destydse regering, en in besonder, teen staatspresident P.W. Botha gemik. Hy word in 1987 afgedank omdat hy aanhalings uit Botha se toesprake in sy musiek gebruik het.

Ná sy afdanking word Rabie 'n voltydse musikant onder die verhoognaam Johannes Kerkorrel en die Gereformeerde Blues Band. Die titel is 'n doelbewuste verwysing na die Gereformeerde Kerk[verwysing benodig] en die sanger Koos Kombuis was ook deel van die groep gewees. Hulle musiek is destyds as Alternatiewe Afrikaans beskryf.

In 1989 stel hulle die album, Eet kreef, vry. Die album was 'n kommersiële sukses, ten spyte daarvan dat die Suid-Afrikaanse Uitsaaikorporasie geweier het om van die snitte uit te saai. Hulle daaropvolgende toer is Voëlvry genoem, wat aanleiding tot die sogenaamde Voëlvry-beweging gegee het.

Rabie besoek Amsterdam in 1990. Byna terselfdertyd word die snit Hillbrow vanaf sy Eet kreef-album 'n treffer in België, waarna Rabie sy sukses met 'n solo-toer opvolg. In 1991 geniet hy aansienlike sukses in België en Nederland. Hier word hy met die Nederlandse sanger Stef Bos bevriend, waarmee hy 'n aantal konserte saam opgevoer het.

Op 12 November 2002 hang Rabie homself in Kleinmond, naby Hermanus aan die Kaapse Weskus. Hy is deur sy homoseksuele lewensmaat, sy geskeide vrou en 'n seun oorleef.[3][4][5][6]

Albums[wysig | wysig bron]

  • Eet Kreef [1989]
    • Sit Dit Af
    • Tronk
    • Liefde
    • Ossewa
    • Hillbrow
    • Donker donker land
    • Energie
    • BMW
    • Ou Ou Lied Van Afrika
    • Ry
  • Bloudruk [1992]
    • Halala Afrika
    • Ballade Van 'N Mynwerker
    • Sy Beweeg
    • Somer
    • Dêrde Wêreld
    • Revolusie
    • Persreen
    • Toekomsrap
    • Hoe Ek Voel
    • Blou Aarde
  • Cyanide in the Beefcake [1994]
    • Daar Is Geen
    • Absoluut Goed
    • Speel My Pop
    • Dirty Business
    • Elektriese Stoel
    • Te Veel Vir 'N Witvrou In Afrika
    • Awuwa (Dansen)
    • River Of Love
    • Mozambique
    • Alles Beter Binne Die Droom
    • Waiting For Godot
  • Ge-trans-for-meer [1996]
    • Sê-Sê
    • Europhobia
    • Oe, Die Kaap
    • Changes
    • Paradys
    • Elvis
    • Dawid Ryk
    • Wanhoop In Die Vrystaat
    • Al Lê Die Berge Nog So Blou
    • Snor City
    • My Ewig Ontwykende Beminde
    • Boogskutter
    • Onder In My Whiskeyglas
    • Foto
    • Ewig Jonk
  • Tien Jaar Later [1998]
    • Sit Dit Af
    • Hillbrow
    • BMW
    • Halala Afrika
    • Somer
    • Revolusie
    • Daar Is Geen
    • Awuwa
    • River Of Love
    • Europhobia
    • Onder In My Whiskeyglas
    • Al Lê Die Berge Nog So Blou
    • River Of Love (Remix)
    • Wat 'N Vriend Het Ons In PW
    • Almal Moet Gerook Raak
  • Sing Koos du Plessis [1999]
    • Stemme In Die Môre
    • Najaarsdroom
    • Swerwers (Radio Trance Mix)
    • Skimme (Ambient Radio Mix)
    • Hier's Ons Almal Tesaam
    • Skadu's Teen Die Muur
    • Spore Op Die Maan
    • As Jy Y Kan Volg
    • Vermiste Mens
    • Sprokie Vir `N Stadskind
    • Skielik Is Jy Vrynagwag
    • Molberge
    • Skimme (Dub Shuffle)
    • Swerwers (Instrumental Ambient Space Mix)
  • Die Anderkant [2000]
    • Die Ander Kant
    • Die Sirkusdier
    • Slaap Klein Beminde
    • Dis Net Jy
    • Aa, Mens!
    • Die Balkon
    • Walking In The Rain (cover van Flash and the Pan ( Flash and the Pan (album) ))
    • Bierfeesten
    • Die Stad Bloei Vanaand
    • Net 'n Bietjie Liefde
  • Voëlvry Die Tour [2002]
    • Sit Dit Af -- Gereformeerde Blues Band
    • Bomskok Babalaas -- Koos Kombuis
    • Paranoia In Parow Noord -- Koos Kombuis
    • Hou My Vas Korporaal -- Bernoldus Niemand
    • My Broken Heart -- Bernoldus Niemand
    • BMW -- Gereformeerde Blues Band
    • Wat 'n Vriend Het Ons In PW -- Gereformeerde Blues Band
    • Almal Moet Gerook Raak -- Gereformeerde Blues Band
    • Avbob -- Gereformeerde Blues Band
    • Autobank Vastrap -- Koos Kombuis
    • Fanie -- Koos Kombuis
    • Hillbrow -- Gereformeerde Blues Band
    • Lied Van Ou Afrika -- Gereformeerde Blues Band
    • Snor City -- Bernoldus Niemand
    • Vakansie In Lusaka -- Koos Kombuis
    • Where Do You Go To PW? -- Koos Kombuis
    • Tronk -- Gereformeerde Blues Band
    • Die Nuus -- Gereformeerde Blues Band
    • Barend Vat Ons Geld -- Gereformeerde Blues Band
    • Ossewa -- Gereformeerde Blues Band
    • Siembamba -- Koos Kombuis & Johannes Kerkorrel

Sien ook[wysig | wysig bron]

Verwysings[wysig | wysig bron]

  1. 'Dylan' of Afrikaans rock dies”. SouthAfrica.info: 13 November 2002. URL besoek op 20 April 2013.
  2. Sassen, Robyn (15 Januarie 2003). “Just Another Day in Africa: In no-man's land I got lost”. PopMatters.com. URL besoek op 13 November 2007.
  3. Redelinghuys, Pieter, "Kerkorrel commits suicide", 12 November 2002. URL besoek op 22 April 2013.
  4. "Remembering Kerkorrel", 13 November 2012. URL besoek op 21 April 2013.
  5. Rooi, Jacob, "'I'm sorry mom'", 17 November 2002. URL besoek op 21 April 2013.
  6. "'Who killed Kerkorrel?'", 25 Augustus 2005. URL besoek op 20 April 2013.