Kleinmond

in Wikipedia, die vrye ensiklopedie
Spring na: navigasie, soek
Kleinmond
'n Uitsig oor Kleinmond
'n Uitsig oor Kleinmond
Ligging van Kleinmond op 'n kaart (Wes-Kaap)
Kleinmond
Kleinmond
 Kleinmond se ligging in Wes-Kaap
Koördinate: 34°21′S 19°02′O / 34.350°S 19.033°O / -34.350; 19.033Koördinate: 34°21′S 19°02′O / 34.350°S 19.033°O / -34.350; 19.033
Land Vlag van Suid-Afrika Suid-Afrika
Provinsie Wes-Kaap
Distrik Overberg
Munisipaliteit Overstrand
Oppervlak[1]
 - Dorp 7,13 km²  (2,8 vk m)
Bevolking (2011)[1]
 - Dorp 6 634
 - Digtheid 930/km² (2 408,7/myl2)
Rasverdeling (2011)[1]
 • Blank 36.3%
 • Indiër/Asiër 0.3%
 • Kleurling 27.6%
 • Swart 34.8%
 • Ander 0.9%
Taal (2011)[1]
 • Afrikaans 60.1%
 • Xhosa 25.5%
 • Engels 7.6%
 • Suid-Sotho 3.2%
 • Ander 3.5%
Poskode (strate) 7195
Poskode (posbusse) 7195
Skakelkode(s) 028
Kleinmond se Haweweg huisves talle kuns-, snuistery- en interieurwinkels, asook restaurante.

Kleinmond, 'n kusdorp in die Wes-Kaap se Overbergstreek, is een van die dorpe in die Overstrand Plaaslike Munisipaliteit en is geleë tussen Bettysbaai en Hawston naby Hermanus.

Agtergrond[wysig | wysig bron]

Die dorp het 'n permanente bevolking van ongeveer 4 000 persone, maar word in vakansietye deur ongeveer 20 000 mense bewoon.

Kleinmond se ekonomie is hoofsaaklik van toerisme afhanklik. Die dorpie se dienstesektor is goed ontwikkel en maak voorsiening vir die meeste behoeftes van sy inwoners en besoekers. Dit is ook 'n gesogte aftreedorp. Die strand is as 'n blouvlagstrand gesertifiseer.

Wapen[wysig | wysig bron]

Kleinmond het vanaf 1959 tot 1996 sy eie munisipaliteit gehad. Die raad het in 1970 'n wapen by die Buro vir Heraldiek geregistreer: Gedeel in drie: I, in groen, 'n Latynse kruis van silwer; II, in silwer, 'n golwende blou staak; III, in oranje, 'n protea gestengel en geblaar van natuurlike kleur; 'n golwende blou skildvoet belaai met drie golwende streepbalke van silwer en daaroorheen 'n swemmende vis van natuurlike kleur deurboor met 'n swart weerhaak. Die helmteken was 'n stygende seemeeu op 'n goue muurkroon, en die wapenspreuk "Ora et labora".[2]

Die munisipaliteit se opvolger, die Hangklip/Kleinmond-oorgangsraad, het die wapen in 1997 op sy naam herregistreer.[2]

Omgewing[wysig | wysig bron]

Die Palmietrivier-opvanggebied aan die weste is 'n ekologies-sensitiewe area, waar goeie eksemplare van fynbos waargeneem kan word. Die rivier met sy donker palmietwater is ook 'n gesogte swemplek, een van die min riviere in die Wes-Kaap waar mense in suiwer water kan swem.

Naby aan Kleinmond is daar die Kogelberg Natuurreservaat, maar toegang is slegs moontlik met 'n geldige permit.

Aan die oostekant van die dorp is daar 'n toegangspad na die Botriviervlei, 'n gebied waar die beroemde wilde perde gedy, en voëlkykers die bedreigde swarttobie kan sien.

Die bergreeks agter die dorp het goed-ontwikkelde wandelpaaie wat 'n manjifieke uitsig op die kuslyn en vleilandskap bied.

Sien ook[wysig | wysig bron]

Verwysings[wysig | wysig bron]

Eksterne skakels[wysig | wysig bron]